પલ્લેકેલે. પલ્લેકેલે. T20 વર્લ્ડ કપ 2026માં પાકિસ્તાન ટકરાશે ઈંગ્લેન્ડ સાથે મળી રહી છે. બંને ટીમો વચ્ચેની આ મેચ પલ્લેકેલે ઈન્ટરનેશનલ ક્રિકેટ સ્ટેડિયમમાં રમાઈ રહી છે. શાહીન આફ્રિદી T20 વર્લ્ડ કપમાં ઇનિંગ્સના પહેલા જ બોલ પર વિકેટ લેનારો પાકિસ્તાનનો એકમાત્ર બોલર બની ગયો છે.
આફ્રિદીએ ઈંગ્લેન્ડના ઓપનર ફિલ સોલ્ટને ઈનિંગના પહેલા જ બોલ પર પેવેલિયન મોકલી દીધો હતો. આ સાથે તે T20 વર્લ્ડ કપના પાવરપ્લેમાં સૌથી વધુ વિકેટ લેનારો બોલર પણ બની ગયો છે. આ મામલે તેણે દક્ષિણ આફ્રિકાના ફાસ્ટ બોલર કાગિસો રબાડાને પાછળ છોડી દીધો છે. વર્લ્ડ કપના પાવરપ્લેમાં આફ્રિદીના નામે હવે 18 વિકેટ છે, જ્યારે રબાડાએ અત્યાર સુધીમાં 16 વિકેટ લીધી છે.
પલ્લેકલેમાં પાકિસ્તાનના કેપ્ટન સલમાન આગાએ ટોસ જીતીને પ્રથમ બેટિંગ કરવાનો નિર્ણય કર્યો હતો. જોકે ટીમની શરૂઆત સારી રહી ન હતી. સેમ અયુબ માત્ર 7 રન બનાવીને આઉટ થયો હતો. આ પછી કેપ્ટન સલમાન આગા પણ બેટથી કંઈ ખાસ બતાવી શક્યો ન હતો અને માત્ર 5 રન બનાવીને આઉટ થઈ ગયો હતો. બાબર આઝમે 24 બોલનો સામનો કરીને 25 રન બનાવ્યા હતા.
સાહિબજાદા ફરહાને એક છેડે ઉભા રહીને 45 બોલમાં 63 રનની જોરદાર ઇનિંગ રમી હતી. આ ઇનિંગ દરમિયાન
ફરહાન 7 ચોગ્ગા અને 2 છગ્ગા ફટકાર્યા. ફખર ઝમાને 16 બોલમાં 25 રન બનાવ્યા હતા. તે જ સમયે, શાદાબ ખાને છેલ્લી ઓવરોમાં 11 બોલમાં 23 રન બનાવ્યા હતા, જેના કારણે પાકિસ્તાનની ટીમ 20 ઓવરમાં 9 વિકેટ ગુમાવીને 164 રન બનાવવામાં સફળ રહી હતી.
ઈંગ્લેન્ડના સ્પિન બોલરોનું પ્રદર્શન ફરી એકવાર શાનદાર રહ્યું હતું. લિયામ ડોસને 4 ઓવરના સ્પેલમાં માત્ર 24 રન આપીને 3 વિકેટ લીધી હતી. જોફ્રા આર્ચર પણ શાનદાર ફોર્મમાં જોવા મળ્યો હતો અને તેણે 32 રનમાં બે મોટી વિકેટ લીધી હતી. જેમી ઓવરટને 3 ઓવરમાં 26 રન આપીને 2 વિકેટ લીધી હતી. પાકિસ્તાને આ મેચ માટે પોતાની પ્લેઈંગ ઈલેવનમાં એક ફેરફાર કર્યો છે. ફહીમ અશરફની જગ્યાએ શાહીન આફ્રિદીને ટીમમાં જગ્યા આપવામાં આવી છે.
