મુંબઈ મુંબઈ. T20 વર્લ્ડ કપ 2026 સેકન્ડ સેમી ફાઈનલ ભારત અને ઈંગ્લેન્ડ વચ્ચે ગુરુવારે મેચ રમાઈ રહી છે. વાનખેડે મેદાન પર ઈંગ્લિશ સ્પિન બોલર આદિલ રાશિદના નામે એક શરમજનક રેકોર્ડ નોંધાયો છે. રાશિદ T20 ઈન્ટરનેશનલ ક્રિકેટમાં 200થી વધુ સિક્સર મારનાર વિશ્વનો પ્રથમ બોલર બની ગયો છે. સેમિફાઇનલ મેચમાં આદિલ રાશિદનું પ્રદર્શન નિરાશાજનક રહ્યું હતું. 4 ઓવરના સ્પેલમાં રાશિદે 41 રન આપ્યા અને 2 વિકેટ લીધી. તેણે ઈશાન કિશન અને ભારતીય કેપ્ટન સૂર્યકુમાર યાદવની વિકેટ લીધી હતી. રાશિદ ઘણો મોંઘો સાબિત થયો અને તેણે 10.20ની ઈકોનોમી પર રન આપ્યા.
જોકે, ભારત સામેની સેમીફાઈનલમાં 2 વિકેટ લેવાની સાથે આદિલ રાશિદ T20 વર્લ્ડ કપમાં સૌથી વધુ વિકેટ લેનારા બોલરોની યાદીમાં ત્રીજા સ્થાને આવી ગયો છે. તેણે રાશિદ ખાનને પાછળ છોડી દીધો છે. રાશિદના નામે હવે T20 વર્લ્ડ કપમાં 44 વિકેટ છે. જ્યારે રાશિદ ખાને 43 વિકેટ લીધી છે.
પ્રથમ બેટિંગ કરતા ભારતીય ટીમે 20 ઓવરમાં 7 વિકેટ ગુમાવીને 253 રન બનાવ્યા હતા. ટોસ હાર્યા પછી પ્રથમ
બેટિંગ ભારતીય ટીમની શરૂઆત સારી રહી ન હતી. અભિષેક શર્માએ ફરી એકવાર પોતાની બેટિંગથી નિરાશ કર્યો અને તે 7 બોલનો સામનો કર્યા બાદ 9 રન બનાવીને આઉટ થયો. જો કે આ પછી ઈશાન કિશન અને સંજુ સેમસને ચાર્જ સંભાળ્યો હતો. બંનેએ સાથે મળીને બીજી વિકેટ માટે 45 બોલમાં 97 રનની મહત્વપૂર્ણ ભાગીદારી કરી હતી. માત્ર 18 બોલનો સામનો કરીને ઈશાને 4 ચોગ્ગા અને 2 છગ્ગાની મદદથી 39 રનની જોરદાર ઈનિંગ રમી હતી.
તે જ સમયે, વેસ્ટ ઈન્ડિઝ બાદ સેમીફાઈનલ મેચમાં પણ સંજુ સેમસન શાનદાર ફોર્મમાં જોવા મળ્યો હતો. સંજુએ માત્ર 42 બોલનો સામનો કરીને 89 રનની વિસ્ફોટક ઇનિંગ રમી હતી. વિકેટકીપર-બેટ્સમેને 211ના સ્ટ્રાઈક રેટથી રમતી વખતે 8 ચોગ્ગા અને 7 છગ્ગા ફટકાર્યા હતા. જો કે, સંજુ તેની સદી પૂરી કરી શક્યો ન હતો અને વિલ જેક્સના બોલ પર ફિલ સોલ્ટના હાથે કેચ થઈને પેવેલિયન પરત ફર્યો હતો.
કેપ્ટન સૂર્યકુમાર યાદવ બેટથી કંઈ ખાસ બતાવી શક્યો નહોતો અને 6 બોલમાં 11 રન બનાવીને આદિલ રાશિદનો શિકાર બન્યો હતો. શિવમ દુબેએ વિસ્ફોટક શૈલીમાં બેટિંગ કરી અને 25 બોલમાં 43 રનની જોરદાર ઈનિંગ રમી. તિલક વર્માએ 7 બોલમાં 3 સિક્સરની મદદથી 21 રન બનાવ્યા હતા અને તે જોફ્રા આર્ચરના હાથે ક્લીન બોલ્ડ થયો હતો. હાર્દિક પંડ્યા 12 બોલમાં 27 રન બનાવી રનઆઉટ થયો હતો.
