સુરત: શહેરમાં ભારે વાહનો દ્વારા સર્જાતા અકસ્માતોનો સિલસિલો યથાવત છે. સુરતના અલથાણ વિસ્તારમાં વધુ એક નિર્દોષ યુવક ડમ્પરની અડફેટે ચડતા તેનો ભોગ લેવાયો છે. બેફામ ગતિએ આવી રહેલા એક ડમ્પર ચાલકે મોપેડ સવાર યુવકને અડફેટે લઈ કચડી નાખતા સમગ્ર વિસ્તારમાં અરેરાટી વ્યાપી ગઈ છે.
ઘટનાસ્થળે જ મોત પ્રાપ્ત વિગતો અનુસાર, અકસ્માત એટલો ભયાનક હતો કે મોપેડ સવાર યુવકનું ઘટનાસ્થળે જ કમકમાટીભર્યું મોત નિપજ્યું હતું. સ્થાનિક લોકોના જણાવ્યા અનુસાર, શહેરમાં ભારે વાહનોના પ્રવેશ અને તેમની અનિયંત્રિત ગતિને કારણે અવારનવાર આવા જીવલેણ અકસ્માતો સર્જાતા રહે છે.
પોલીસ કાર્યવાહી ઘટનાની જાણ થતા જ અલથાણ પોલીસ કાફલો સ્થળ પર દોડી આવ્યો હતો. પોલીસે મૃતદેહને પોસ્ટમોર્ટમ માટે ખસેડી, અકસ્માત સર્જનાર ડમ્પર ચાલકની અટકાયત કરી છે. હાલ પોલીસે ડમ્પર ચાલક વિરુદ્ધ ગુનો નોંધી કાયદેસરની તપાસ હાથ ધરી છે.
