જેક વેધરલ્ડ (72), માર્નસ લાબુશેન (65) અને કેપ્ટન સ્ટીવ સ્મિથ (61)ની અડધી સદીના આધારે ઓસ્ટ્રેલિયાએ ઇંગ્લેન્ડ સામે એશિઝ શ્રેણીની ડે-નાઇટ ટેસ્ટ મેચના બીજા દિવસે સ્ટમ્પના સમયે છ વિકેટ ગુમાવીને 378 રન બનાવીને અને 44 રનની લીડ મેળવીને મેચ પર કબજો જમાવ્યો છે. ઈંગ્લેન્ડે ગઈકાલની રમત નવ વિકેટે 325 રનથી આગળ શરૂ કરી હતી. સવારના સત્રમાં, બ્રેન્ડન ડોગેટે જોફ્રા આર્ચરને આઉટ કરીને ઈંગ્લેન્ડનો પ્રથમ દાવ 76.2 ઓવરમાં 334 રન પર સમાપ્ત કર્યો. જો રૂટે 206 બોલમાં 15 ચોગ્ગા અને એક છગ્ગો ફટકારીને (અણનમ 138) રનની ઇનિંગ રમી હતી. ઓસ્ટ્રેલિયા તરફથી મિચેલ સ્ટાર્કે છ વિકેટ ઝડપી હતી. માઈકલ નેઈઝર, બ્રેન્ડન ડોગેટ અને સ્કોટ બોલેન્ડે એક-એક બેટર આઉટ કર્યા હતા.
આ પછી ઓસ્ટ્રેલિયાની ઓપનિંગ જોડી ટ્રેવિસ હેડ અને જેક વેથરોલ્ડે પ્રથમ વિકેટ માટે 77 રન જોડ્યા હતા. 14મી ઓવરમાં બ્રેડન કારસે ટ્રેવિસ હેડ (33)ને આઉટ કરીને ઓસ્ટ્રેલિયાને પહેલો ઝટકો આપ્યો હતો. ત્રીજા નંબરના બેટ્સમેન માર્નસ લાબુશેને વેધરલ્ડ સાથે માત્ર 69 રન ઉમેર્યા હતા જ્યારે 26મી ઓવરમાં જોફ્રા આર્ચરે જેક વેથરોલ્ડને LBWને પેવેલિયનમાં મોકલ્યો હતો.
જેક વેથરોલ્ડે 78 બોલમાં 12 ચોગ્ગા અને એક છગ્ગાની મદદથી 72 રન બનાવ્યા હતા. જ્યારે માર્સન લાબુશેને નવ ચોગ્ગા અને એક છગ્ગાની મદદથી 65 રનની ઇનિંગ રમી હતી. કેપ્ટન સ્ટીવ સ્મિથે 85 બોલમાં પાંચ ચોગ્ગા અને બે છગ્ગાની મદદથી 61 રનની અડધી સદી ફટકારી હતી. કેમેરોન ગ્રીન (45), જોશ ઈંગ્લિસ 23 રન બનાવીને આઉટ થયા હતા. દિવસની રમતના અંતે ઓસ્ટ્રેલિયાએ પ્રથમ દાવમાં છ વિકેટે 378 રન બનાવ્યા હતા અને 44 રનની લીડ મેળવી હતી. એલેક્સ કેરી (45 અણનમ) અને માઈકલ નીસર (15 અણનમ) ક્રીઝ પર હાજર હતા.
ઈંગ્લેન્ડ તરફથી બ્રાઈડન કારસે ત્રણ વિકેટ ઝડપી હતી. બેન સ્ટોક્સને બે વિકેટ મળી હતી. જોફ્રા આર્ચરે એક બેટ્સમેનને આઉટ કર્યો હતો.
