ઈરાન સાથે ચાલી રહેલા તણાવ વચ્ચે અમેરિકી રાષ્ટ્રપતિ ડોનાલ્ડ ટ્રમ્પે મોટી જાહેરાત કરી છે. તેમણે કહ્યું કે ટૂંક સમયમાં તેઓ હોર્મુઝને અમેરિકાનો ભાગ જાહેર કરશે. તેમણે કહ્યું કે, ઈરાનને હરાવીને હોર્મુઝને અમેરિકામાં સામેલ કરવામાં આવશે. તેઓ ન્યૂયોર્કમાં એક રેલીને સંબોધિત કરી રહ્યા હતા. આંતરરાષ્ટ્રીય કાયદા હેઠળ આ કેવી રીતે શક્ય બનશે તે ટ્રમ્પે સમજાવ્યું નથી.
ઈરાને જવાબ આપ્યો
એક દિવસ પહેલા જ ડોનાલ્ડ ટ્રમ્પે દાવો કર્યો હતો કે તેણે હોર્મુઝ પર સંપૂર્ણ નિયંત્રણ સ્થાપિત કરી લીધું છે. તેમણે અમેરિકન નાકાબંધીને સ્ટીલની દિવાલ ગણાવી હતી. ઈરાનના નાયબ વિદેશ મંત્રી કાઝીમ ગરીબબાદીએ કહ્યું હતું કે હોર્મુઝ ઈરાનના નિયંત્રણમાં છે અને ભવિષ્યમાં પણ રહેશે. તેમણે કહ્યું કે હોર્મુઝને ક્યારે ખોલવામાં આવશે તે માત્ર ઈરાન જ નક્કી કરશે. આ સિવાય જ્યાં સુધી અમેરિકા પોતાની હાર નહીં સ્વીકારે ત્યાં સુધી હોર્મુઝમાં નાકાબંધી ચાલુ રહેશે.
તેમણે કહ્યું કે, દરેકે વાસ્તવિકતા સ્વીકારવી જોઈએ. અમેરિકાને કારમી હારનો સામનો કરવો પડ્યો છે. હોર્મુઝ હંમેશા ઈરાનીઓનો હતો અને હંમેશા ઈરાનનો જ રહેશે. હોર્મુઝ ઈરાનના આદેશ પર જ ખુલશે કે બંધ થશે. જો તમે આ વાસ્તવિકતાને સ્વીકારતા નથી તો તમે ભ્રમમાં જીવો છો. વોશિંગ્ટન અને તેહરાન વચ્ચેના આ તણાવને કારણે આ માર્ગ પરથી પસાર થતા જહાજોની મુશ્કેલીઓ વધી ગઈ છે. ડોનાલ્ડ ટ્રમ્પ કહે છે કે નાકાબંધીનો અર્થ એ છે કે તેમની પરવાનગી વિના એક પણ જહાજ પસાર થઈ શકશે નહીં.
ટ્રમ્પ એરક્રાફ્ટ કેરિયર્સમાં જૂની ટેક્નોલોજીનો આગ્રહ કેમ રાખે છે?
યુએસ પ્રમુખ ડોનાલ્ડ ટ્રમ્પે નૌકાદળને તેના ભાવિ એરક્રાફ્ટ કેરિયર યુદ્ધ જહાજોમાંથી અદ્યતન ઇલેક્ટ્રોમેગ્નેટિક સિસ્ટમ્સ દૂર કરવા અને જૂની સ્ટીમ આધારિત કેટપલ્ટ ટેક્નોલોજી પર પાછા ફરવાનો નિર્દેશ આપ્યો છે. જો કે, સંરક્ષણ નિષ્ણાતો અને અધિકારીઓએ ચેતવણી આપી છે કે આ નિર્ણયથી જહાજોના નિર્માણની કિંમત ઘટવાને બદલે નોંધપાત્ર રીતે વધી શકે છે.
