દુબઈ વિમેન્સ એશિયા કપ 2026માં ક્રિકેટ ચાહકો માટે શનિવારનો દિવસ ખૂબ જ રોમાંચક રહેવાનો છે. દુબઈ ઈન્ટરનેશનલમાં ભારતીય મહિલા ટીમ અને પાકિસ્તાનની ટીમ વચ્ચે જોરદાર મુકાબલો થવા જઈ રહ્યો છે. ભારતીય ટીમે સેમીફાઈનલમાં જગ્યા બનાવી લીધી છે. પાકિસ્તાન સામે જીત મેળવીને ટીમ ઈન્ડિયા ગ્રુપમાં ટોપ પર રહેવાનું લક્ષ્ય રાખશે. ભારતીય ટીમે થાઈલેન્ડ અને હોંગકોંગ સામેની છેલ્લી 2 મેચમાં જોરદાર બેટિંગ કરી હતી અને મોટા અંતરથી જીત મેળવી હતી. ભારતે થાઈલેન્ડ સામે 94 રનથી જીત મેળવી હતી, જ્યારે હોંગકોંગ સામે તેણે 137 રનના વિશાળ અંતરથી મેચ જીતી હતી. પાકિસ્તાન સામે પણ ભારતીય બેટ્સમેનોની ભૂમિકા મહત્વની રહેશે.
ભારત માટે ચિંતાજનક સ્થિતિ એ છે કે ટીમના ટોચના ત્રણ બેટ્સમેનોનું પ્રદર્શન પાકિસ્તાન સામે તેમની પ્રતિષ્ઠા મુજબ રહ્યું નથી.
ઓપનર અને ટીમની વાઇસ-કેપ્ટન સ્મૃતિ મંધાનાએ 2014 થી 2026 વચ્ચે પાકિસ્તાન સામે 11 મેચની 11 ઇનિંગ્સમાં 307 રન બનાવ્યા છે, જેમાં 2 અડધી સદી ફટકારી છે. તેનો સર્વોચ્ચ સ્કોર 68 રન છે. ટીમની કેપ્ટન હરમનપ્રીત કૌરે 2009 થી 2026 વચ્ચે 16 મેચની 13 ઇનિંગમાં 230 રન બનાવ્યા છે.હરમનના નામે પાકિસ્તાન વિરૂદ્ધ T20માં એક પણ અડધી સદી નથી. વિસ્ફોટક ઓપનિંગ બેટ્સમેન શેફાલી વર્મા પણ 2022 અને 2026 વચ્ચે પાકિસ્તાન સામે 5 મેચની 5 ઇનિંગ્સમાં 127 રન બનાવવામાં સફળ રહી છે.
જોકે મંધાના એશિયા કપમાં સારા ફોર્મમાં જોવા મળી રહી છે. તેણે હોંગકોંગ સામેની છેલ્લી મેચમાં તોફાની સદી ફટકારી હતી. તેથી, મંધાના પાકિસ્તાન સામે ટીમ માટે મજબૂત શરૂઆતની આશા રાખશે. આ સિવાય કેપ્ટન હરમન અને શેફાલી વર્મા તરફથી પણ અસરકારક ઇનિંગ્સની જરૂર પડશે.
પાકિસ્તાનની વાત કરીએ તો ટીમે તેની છેલ્લી મેચ થાઈલેન્ડ સામે જીતી હતી. પાકિસ્તાન હજુ સુધી સેમીફાઈનલ માટે ક્વોલિફાઈ થઈ શક્યું નથી. ટીમ પાસે હજુ 2 મેચ રમવાની છે, પરંતુ ટીમ ભારત સામે જોરદાર પ્રદર્શન કરીને પોતાનો આત્મવિશ્વાસ વધારવા માંગશે.
ભારત અને પાકિસ્તાન વચ્ચે અત્યાર સુધીમાં 17 મેચ રમાઈ છે. ટીમ ઈન્ડિયાએ 14 મેચ જીતી છે, જ્યારે પાકિસ્તાને 3 મેચ જીતી છે.
–IANS
આ પણ વાંચો – અખબાર પહેલા તમારા રાજ્ય/શહેરના સમાચાર વાંચવા માટે ક્લિક કરો.
