ઉત્તરી જર્મનીના સ્ટેડ શહેરમાં સોમવારે થયેલી ગોળીબારમાં ઓછામાં ઓછા પાંચ લોકોના મોત થયા છે. પોલીસના જણાવ્યા અનુસાર, આ કેસમાં બે શકમંદોને પણ કસ્ટડીમાં લેવામાં આવ્યા છે અને તેમની પૂછપરછ કરવામાં આવી રહી છે. જોકે, હુમલાખોરે આ ગુનો શા માટે કર્યો તેની પાછળનો હેતુ હજુ સુધી સંપૂર્ણ રીતે સ્પષ્ટ થયો નથી.
સ્થાનિક મીડિયાના અહેવાલો અનુસાર, આ દુઃખદ ઘટના સેન્ટ્રલ સ્ટેડ સ્થિત યુવા કેન્દ્રની અંદર બની હતી. હેમ્બર્ગ શહેરની પશ્ચિમે સ્થિત આશરે 50,000ની વસ્તી ધરાવતા આ શાંત શહેરમાં અચાનક થયેલા આ ફાયરિંગથી સમગ્ર વિસ્તારમાં ભયનો માહોલ સર્જાયો છે.
પોલીસ પ્રવક્તાએ ન્યૂઝ એજન્સી એએફપીને જણાવ્યું કે બે શકમંદોની ધરપકડ કરવામાં આવી છે. પોલીસના જણાવ્યા અનુસાર, ગોળીબાર યુવા કેન્દ્રની નજીક થયો હતો અને તેઓ હાલમાં શહેરના કેન્દ્રની બહાર મોટા પાયે ઓપરેશન ચલાવી રહ્યા છે. “અમે તમને વિનંતી કરીએ છીએ કે તમે તમારી પોતાની સુરક્ષા માટે વિસ્તાર છોડી દો અને સલામત અંતર જાળવો,” પોલીસે એક પોસ્ટમાં જણાવ્યું હતું.
X પરની એક પોસ્ટમાં, લ્યુનેબર્ગ પોલીસ હેડક્વાર્ટર દ્વારા લોકોને વિસ્તારથી દૂર રહેવાની અપીલ કરવામાં આવી હતી. તપાસકર્તાઓએ શરૂઆતમાં હુમલાના હેતુ વિશે કોઈ માહિતી આપી ન હતી. હાલ મોટી સંખ્યામાં ઈમરજન્સી સેવાઓ ઘટના સ્થળે હાજર છે.
હુમલાખોરોની સંખ્યા પર સસ્પેન્સ
પ્રારંભિક સ્થાનિક મીડિયા અહેવાલોમાં દાવો કરવામાં આવ્યો હતો કે હુમલામાં એક કરતા વધુ શૂટર સામેલ હોઈ શકે છે અને કેટલાક અન્ય શંકાસ્પદ હજુ પણ ફરાર છે. જો કે, જર્મન પોલીસે તરત જ આની પુષ્ટિ કરી ન હતી અને કહ્યું હતું કે એક મુખ્ય શંકાસ્પદ હાલમાં તેમની કસ્ટડીમાં છે.
