રાજસ્થાન રોયલ્સે દિલ્હી કેપિટલ્સને હરાવ્યું છે. રોમાંચક મેચમાં રાજસ્થાને દિલ્હીને 12 રને હરાવ્યું હતું. મેચ જીતવા માટે દિલ્હીને 186 રનનો ટાર્ગેટ મળ્યો હતો જેના જવાબમાં દિલ્હી માત્ર 173 રન બનાવી શકી હતી. દિલ્હી કેપિટલ્સ તરફથી ડેવિડ વોર્નરે શાનદાર બેટિંગ કરી હતી. તેણે 34 બોલમાં 49 રનની ઇનિંગ રમી અને ફિફ્ટી ચૂકી ગયો.
વોર્નરે કુલ 5 ચોગ્ગા અને ત્રણ છગ્ગા ફટકાર્યા હતા. મિશેલ માર્શ 12 બોલમાં 23 રન બનાવીને આઉટ થયો હતો. જ્યારે દિલ્હીનો કેપ્ટન ઋષભ પંત આજે પણ કંઈ ખાસ કરી શક્યો નથી. 26 બોલમાં માત્ર 28 રન બનાવ્યા. સ્ટબ્સે શાનદાર બેટિંગ કરી, તે 23 બોલમાં 44 રન બનાવીને અણનમ રહ્યો. રાજસ્થાન તરફથી રિયાન પરાગે શાનદાર બેટિંગ કરી હતી. જયપુરમાં તેનું બેટ ખીલ્યું.પરાગે 45 બોલમાં 84 રનની ઇનિંગ રમી. પરાગે 7 ચોગ્ગા અને 6 છગ્ગા ફટકાર્યા હતા.
રાજસ્થાન રોયલ્સના ઓપનર કંઈ ખાસ કરી શક્યા ન હતા. યશસ્વી જયસ્વાલ મોટી ઇનિંગ રમવામાં નિષ્ફળ રહી હતી. તે 7 બોલમાં માત્ર 5 રન જ બનાવી શક્યો હતો, જ્યારે જોસ બટલરે 11 રન બનાવવા માટે 16 બોલની મદદ લીધી હતી. કેપ્ટન સંજુ સેમસન પણ કંઈ ખાસ રમી શક્યો નહોતો, તે 14 બોલમાં 15 રન બનાવીને જતો રહ્યો હતો. સ્પિનર આર અશ્વિને શાનદાર બેટિંગ કરી હતી. તેણે 19 બોલમાં 29 રનની ઇનિંગ રમી હતી. આ દરમિયાન અશ્વિને ત્રણ શાનદાર સિક્સર ફટકારી હતી.
દિલ્હી કેપિટલ્સ તરફથી અક્ષર પટેલે શાનદાર બોલિંગ કરી હતી. પટેલે ચાર ઓવરમાં માત્ર 21 રન આપ્યા અને એક વિકેટ લીધી. આ સિવાય ખલીલ અહેમદ, મુકેશ કુમાર, નોરકિયા અને કુલદીપ યાદવે પણ 1-1 વિકેટ લીધી હતી. નોરકિયા અને મુકેશ કુમાર આજે ઘણા મોંઘા સાબિત થયા. બંનેએ ચાર ઓવરમાં 50ની નજીક રન આપ્યા હતા. દિલ્હી કેપિટલ્સે ટોસ જીતીને પ્રથમ બોલિંગ કરવાનો નિર્ણય કર્યો હતો.