જેલમાં બંધ પાકિસ્તાનના પૂર્વ વડાપ્રધાન અને પીટીઆઈના સંસ્થાપક ઈમરાન ખાનને દેશની સુપ્રીમ કોર્ટમાંથી મોટી રાહત મળી છે. 73-વર્ષીય નેતાની બગડતી તબિયત અને આંખોની નિષ્ફળતાની નોંધ લેતા સર્વોચ્ચ અદાલતે તેમને તાત્કાલિક અસરથી ખાનગી હોસ્પિટલમાં ખસેડવાનો આદેશ આપ્યો છે.
સુપ્રીમ કોર્ટના આ નિર્ણય સાથે, તેમની પાર્ટી પાકિસ્તાન તહરીક-એ-ઈન્સાફ અને તેમના પરિવારના સભ્યોની માંગને મંજૂર કરવામાં આવી છે, જેના માટે તેઓ છેલ્લા ઘણા મહિનાઓથી કાનૂની અને રાજકીય લડાઈ લડી રહ્યા હતા.
આ પણ વાંચોઃ ‘ઈમરાન ખાન હવે નથી’ એવા પત્રકારના દાવાથી પાકિસ્તાનમાં ખળભળાટ!
48 કલાકમાં શિફા હોસ્પિટલમાં ટ્રાન્સફર કરવાની સૂચના
પીટીઆઈના પ્રવક્તા નઈમ હૈદર પંજુથા દ્વારા શેર કરવામાં આવેલી માહિતી અનુસાર, કોર્ટે પ્રશાસનને આગામી 48 કલાકની અંદર ઈમરાન ખાનને શિફા ઈન્ટરનેશનલ હોસ્પિટલમાં દાખલ કરવાનો નિર્દેશ આપ્યો છે.
કોર્ટના આદેશ મુજબ ઈમરાન ખાન 16 સપ્ટેમ્બર સુધી ડોક્ટરોની દેખરેખમાં આ હોસ્પિટલમાં રહેશે.
