ખેડબ્રહ્મા તાલુકા પંચાયત તથા જિલ્લા પંચાયત સીટોમાં ભાજપનો દબદબો
(પ્રતિનિધિ) ખેડબ્રહ્મા, જિલ્લા પંચાયત તથા તાલુકા પંચાયતની ચૂંટણી યોજાયા બાદ આજે મત ગણતરી શહેરની વચ્ચે આવેલ કે.ટી. હાઈસ્કૂલમાં યોજવામાં આવી હતી. વહેલી સવારથી જ તમામ પક્ષના કાર્યકર્તાઓ તથા ઉમેદવારો તથા ટેકેદારોના ટોળેટોળા વળી ગયા હતા.
તમામ પરિણામો આવી જતાં ખેડબ્રહ્મા માં જિલ્લા પંચાયતની ચાર સીટો પૈકી ત્રણ સીટો ભાજપને તથા એક સીટ આમ આદમી પાર્ટી ને ફાળે ગઈ હતી. જ્યારે તાલુકા પંચાયતની ૨૦ સીટો પૈકી ભારતીય જનતા પાર્ટીને ફાળે ૧૨ સીટ, કોંગ્રેસને ફાળે ચાર સીટ તથા આમ આદમી પાર્ટીને ફાળે ચાર સીટ ગઈ હતી. ચૂંટણીના રીઝલ્ટ જેમ જેમ આવતી ગયા તેમ તેમ જીતેલા ઉમેદવારોને તેમના ટેકોદારો ગુલાલ ઉછાળી સરઘસ રૂપે લઈ જતા હતા.
લક્ષ્મીપુરા જિલ્લા પંચાયત સીટ પર ભાજપના હિતેન્દ્રસિંહ કરણસિંહ ચૌહાણ સતત બીજીવાર ચૂંટાઈ આવ્યા હતા. આગિયા જિલ્લા પંચાયત સીટ પર રીનાબેન અમિતકુમાર પટેલ મોટી સરસાઈથી જીત્યા હતા. ખેડવા જિલ્લા પંચાયત સીટ જે વર્ષોથી કોંગ્રેસનો ગઢ હતું ત્યાં પહેલીવાર બહેડીયાના પુનકીબેન પોપટભાઈ સોલંકી જીત્યા હતા. જ્યારે ભાજપના ગઢ જેવા પાટડીયા સીટ ઉપર આમ આદમી પાર્ટીના અશોકભાઈ નાથાભાઈ પરમાર ચૂટાઈ આવ્યા હતા.
તાલુકા પંચાયતમાં ભાજપના જીતેલા ઉમેદવારો આગિયા સીટ પર રમેશભાઈ કાનાભાઈ અંગારી, બહેડીયા સીટ પર મીલાબેન માધાભાઈ ખોખરીયા, દીગથલી સીટ પર શર્મિલાબેન મોઢાભાઈ પારગી, ગાડુ સીટ પર રમેશભાઈ અણદાભાઈ સોલંકી, લક્ષ્મીપુરા સીટ પર શામળભાઈ હીરાભાઈ ચેનવા, નાકા સીટ પર સુબીબેન જગદીશભાઈ ખોખરીયા, પાદરડી સીટ પર ગીતાબેન કમલેશભાઈ પારગી, પઢારા સીટ પર લલીતભાઈ ધર્માભાઈ પરમાર,
પીપોદરા સીટ પર જવીબેન ગુલાબભાઈ બૂબડીયા, વાલર સીટ પર સવિતાબેન નાનાભાઈ પગી તથા ઝાઝવા પાણઈ સીટ પર અમીનાબેન કાંતિભાઈ પરમાર ચૂંટણી આવ્યા હતા. કોંગ્રેસના ચાર સદસ્યો પૈકી બોડીયાના તળાવ પર રમેશભાઇ ખેમાભાઈ ખટીક ખેડવા સીટ પર કિંજલબેન ચતુરભાઈ ગમાર, પરોયા સીટ પર સવિતાબેન ગોવિંદ ભાયાણી, તથા પાટડીયા સીટ પર લીલાબેન દિલીપભાઈ દાવડા ચૂંટાયા હતા.
જયારે આદમી પાર્ટીના ચૂંટાયેલા સદસ્યમાં જાડી સિમ્બલ સીટ પર કમુબેન મશરૂભાઈ ખોખરીયા, મીઠીબીલી સીટ પર કપિલાબેન લવજીભાઈ ડાભી, નવામોટા સીટ પર દશરથભાઈ રાજાભાઈ મકવાણા, તથા રતનપુર સીટ પર ઉર્મિલાબેન પપ્પુભાઈ મકવાણા તૂટી આવ્યા હતા. આમ ૨૦ માંથી ૧૨ સીટો ભાજપને ફાળે આવતાં ખેડબ્રહ્મા તાલુકા પંચાયત ભાજપના ફાળે ગઈ હતી.
