ગણેશ હાઉસિંગે ‘મિલિયન માઇન્ડ્સ ટેક સિટી’ લૉન્ચ કરી, 1.5 અબજ અમેરિકી ડોલરની ઇન્ટિગ્રેટેડ ઇકોસિસ્ટમથી 70,000થી વધુ ઉચ્ચ કુશળતા ધરાવતી નોકરીઓ અને અમદાવાદની જીસીસી મહત્વાકાંક્ષાઓને વેગ મળશે
ગુજરાતના આ પ્રથમ IGBC પ્લેટિનમ-રેટેડ એસઈઝેડ આઈટી પાર્કે પહેલેથી જ આઈબીએમ, ટીસીએસ, Withum અને Searce સહિતની વૈશ્વિક કંપનીઓ પાસેથી આશરે 8 લાખ ચોરસ ફૂટ લીઝિંગ મોમેન્ટમ મેળવ્યું છે
અમદાવાદ, 17 મે 2026: ગુજરાતના ટેકનોલોજી અને ઇનોવેશન ક્ષેત્રને નવી દિશા આપનાર ઐતિહાસિક વિકાસરૂપે, ગણેશ હાઉસિંગ લિમિટેડે આજે ‘મિલિયન માઇન્ડ્સ ટેક સિટી’ (MMTC) લોન્ચ કરવાની જાહેરાત કરી હતી. આ પ્રોજેક્ટ ગુજરાતના પ્રથમ આઈજીબીસી પ્લેટિનમ-રેટેડ એસઈઝેડ આઈટી પાર્ક અને અમદાવાદની પ્રથમ ઇન્ટિગ્રેટેડ ટેક સિટી તરીકે વિકસાવવામાં આવી રહ્યો છે.
ફ્યુચર-રેડી ઇકોનોમિક ઇકોસિસ્ટમ તરીકે કલ્પના કરાયેલા આ પ્રોજેક્ટ દ્વારા 70,000થી વધુ ઉચ્ચ કુશળ નોકરીઓ ઊભી થવાની અપેક્ષા છે, સાથે સાથે તે અમદાવાદને જીસીસી, ટેકનોલોજી કંપનીઓ, ઇનોવેશન આધારિત વ્યવસાયો અને નોલેજ ઇકોનોમી સેક્ટર્સ માટેના અગ્રણી કેન્દ્ર તરીકે વધુ મજબૂત બનાવશે.
Ganesh Housing Unveils Million Minds Tech City, a USD 1.5 Billion Integrated Ecosystem Poised to Power 70,000 high-skilled Jobs and Ahmedabad’s GCC Ambitions
વૈષ્ણોદેવી સર્કલ ખાતે અમદાવાદ–ગિફ્ટ સિટી–ગાંધીનગર હાઇ-ગ્રોથ કોરિડોરમાં વ્યૂહાત્મક રીતે સ્થિત ‘મિલિયન માઇન્ડ્સ ટેક સિટી’ને આશરે 65 એકર વિસ્તારમાં ફેલાયેલા વિશાળ “સિટીની અંદર સિટી” તરીકે વિકસાવવામાં આવી રહી છે. આ પ્રોજેક્ટનો કુલ આયોજનબદ્ધ વિકાસ વિસ્તાર આશરે 18 મિલિયન ચોરસ ફૂટનો રહેશે. આ ઇન્ટિગ્રેટેડ ઇકોસિસ્ટમમાં આશરે 10 મિલિયન ચોરસ ફૂટના ગ્રેડ-એ કોમર્શિયલ અને ટેકનોલોજી ઓફિસ સ્પેસ,
આશરે 6 મિલિયન ચોરસ ફૂટના પ્રીમિયમ રેસિડેન્શિયલ ડેવલપમેન્ટ અને આશરે 2 મિલિયન ચોરસ ફૂટ વિસ્તાર રિટેલ, હોસ્પિટાલિટી, સોશિયલ અને લાઇફસ્ટાઇલ ઇન્ફ્રાસ્ટ્રક્ચર માટે સમર્પિત રહેશે. આ પ્રોજેક્ટ ગણેશ હાઉસિંગ લિમિટેડ દ્વારા વૈશ્વિક સ્તરે જાણીતી રિયલ એસ્ટેટ ડેવલપર અને ઓપરેટર ટિશમેન સ્પેયર સાથે પ્રોજેક્ટ મેનેજમેન્ટ પાર્ટનર તરીકે અને આરએસપી આર્કિટેક્ટ્સ સાથે ડિઝાઇન પાર્ટનર તરીકે વિકસાવવામાં આવી રહ્યો છે.
પ્રોજેક્ટના પ્રથમ તબક્કામાં આશરે 1.3 મિલિયન ચોરસ ફૂટ વિસ્તારનો સમાવેશ થાય છે, જેમાં પહેલેથી જ મજબૂત લીઝિંગ ગતિ જોવા મળી છે અને આશરે 8 લાખ ચોરસ ફૂટ વિસ્તાર અગ્રણી વૈશ્વિક અને સ્થાનિક કંપનીઓને લીઝ પર આપવામાં આવ્યો છે. આ ડેવલપમેન્ટે ટેકનોલોજી, કન્સલ્ટીંગ, બાયોટેકનોલોજી અને વર્કસ્પેસ ક્ષેત્રની વિવિધ કંપનીઓને આકર્ષી છે, જેમાં આઈબીએમ, ટાટા કન્સલ્ટન્સી સર્વિસીસ, Searce (સિંગાપોર સ્થિત ગ્લોબલ ટેકનોલોજી અને ક્લાઉડ કન્સલ્ટીંગ કંપની), વાલટેક (જર્મનીની ગ્લોબલ ડિજિટલ ટ્રાન્સફોર્મેશન કંપની),
Withum (અમેરિકા સ્થિત ઇન્ટરનેશનલ એકાઉન્ટિંગ, ટેક્સ અને એડવાઇઝરી કંપની), કેશિવ બાયોસાયન્સિસ (ગ્લોબલ બાયોટેકનોલોજી અને ફાર્માસ્યુટિકલ ક્ષેત્ર પર કેન્દ્રિત કંપની), દેવએક્સ (પ્રીમિયમ મેનેજ્ડ ઓફિસ અને કો-વર્કિંગ સ્પેસ પ્રોવાઇડર) અને APSER Life Science (આંતરરાષ્ટ્રીય સ્તરની લાઇફ સાયન્સ અને હેલ્થકેર કેન્દ્રિત કંપની) જેવી કંપનીઓનો સમાવેશ થાય છે. આ ડેવલપમેન્ટથી અમદાવાદ ઉભરતા કોમર્શિયલ, ટેકનોલોજી અને ઇનોવેશન હબ તરીકે ઉભરી રહ્યું હોવાનો વિશ્વાસ વધુ મજબૂત બન્યો છે.
