5મી જૂને PM મોદીની સભા માટે સુરતમાં ચાર અલગ-અલગ સ્થળોનું નિરીક્ષણ કરવામાં આવ્યું હતું. વેસુ વીઆઇપી રોડ-૨ પર સ્થળ પસંદ કરીને ડોમ બનાવવાની તૈયારી પણ કરાઈ હતી.
(એજન્સી)સુરત, હજુ ચોમાસું આવ્યું નથી, પરંતું ગુજરાતમાં વરસાદની આગાહી આવી ગઈ છે. ૫ જૂને પ્રધાનમંત્રી નરેન્દ્ર મોદી સુરતમાં આવવાના છે. પરંતું તે પહેલા જ વરસાદનું આગમન થયું છે. જોકે, વરસાદની આગાહીને પગલે વડાપ્રધાનની સભાનું સ્થળ બદલવામાં આવ્યું છે.
ઓપન સ્થળને બદલે હવે ઈન્ડોર સ્ટેડિયમમાં વડાપ્રધાનનો કાર્યક્રમ યોજાશે. સમગ્ર સુરત શહેરમા હળવા પવન સાથે વરસાદ આવતા માહોલ બદલાયો છે. શહેરના અલગ અલગ વિસ્તારોમાં વરસાદ જોવા મળ્યો છે.
ડીંડોલી, ઉધના, ભટાર, વેસુ, લિંબાયત વિસ્તારમાં હળવા પવન સાથે વરસાદ આવ્યો હતો. જોકે, હવામાન વિભાગે હજી પણ આગામી દિવસોમાં વરસાદની આગાહી કરી છે. આ કારણે વરસાદની આગાહીને પગલે ઁસ્ની સુરત સભાનું વેસુનું સ્થળ બદલાયું છે.
પીએમ નરેન્દ્ર મોદી ૫ જૂને સુરતની મુલાકાતે આવવાના હોવાથી તંત્ર દ્વારા તૈયારીઓ કરવામાં આવી રહી છે. પીએમ મોદી દમણ ખાતે નિર્માણ પામેલા એરપોર્ટ સંબંધિત કાર્યક્રમમાં હાજરી આપવાના છે. આ દિવસે તેઓ સુરતની પણ મુલાકાત લેશે.
તેમની સભા માટે સુરતમાં ચાર અલગ-અલગ સ્થળોનું નિરીક્ષણ કરવામાં આવ્યું હતું. વેસુ વીઆઇપી રોડ-૨ પર સ્થળ પસંદ કરીને ડોમ બનાવવાની તૈયારી પણ કરાઈ હતી. પરંતુ વરસાદની આગાહીને પગલે આ સ્થળ રદ કરાયું છે. હવામાન વિભાગ દ્વારા વરસાદની આગાહી અને ઉનાળાની ઋતુને ધ્યાનમાં રાખીને છેલ્લી ઘડ૨ીએ સભા સ્થળમાં ફેરફાર કરવામાં આવ્યો છે.
