‘કેમ્પ એટ કેમ્પસ’ કાર્યક્રમ અંતર્ગત હોસ્ટેલમાં રહેતા 5000થી વધુ યુવાનોએ અચૂક મતદાનના શપથ લીધા
અમદાવાદ,
અમદાવાદ જિલ્લા ચૂંટણી તંત્ર દ્વારા કરાયું આયોજન,
યુવાનોમાં મતદાન અંગે જાગૃતિ લાવવા તથા પ્રથમ વાર મતદાન કરનાર યુવા મતદારો અચૂક મતદાન કરે તેવા હેતુથી અમદાવાદ જિલ્લા ચૂંટણી તંત્ર દ્વારા સ્વીપ એક્ટિવિટી અંતર્ગત અનેક યુનિવર્સિટીઓ તથા શૈક્ષણિક સંસ્થાઓમાં ‘મતદાન જાગૃતિ’ અંગેના વિવિધ કાર્યક્રમ યોજાઈ રહ્યા છે.
‘કેમ્પ એટ કેમ્પસ’ અભિયાન અંતર્ગત શહેરમાં આવેલ સમરસ હોસ્ટેલ સહિત વિવિધ 11 જેટલી સરકારી તથા ખાનગી હોસ્ટેલમાં ‘મતદાન જાગૃતિ’ અભિયાન અંગેના કાર્યક્રમનું આયોજન કરાયું હતું.