ડીસા થરાદ હાઈવે પર આજે શાકભાજી ભરેલી જીપ પલટી જતા અકસ્માત સર્જાયો હતો. આ ઘટનામાં શાકભાજીની બોરીઓ રોડ પર ઢળી પડી હતી.ડીસા થરાદ હાઈવે પર ગોધા દરવાજા પાસે શાકભાજી ભરેલી જીપડાલાને અકસ્માત નડ્યો હતો. જેમાં શાકભાજી ભરેલ જીપડાલુ ડીસાથી થરાદ તરફ જઈ રહ્યું હતું અને ગોધા ફાટક પાસેથી પસાર થઈ રહ્યું હતું, તે જ સમયે જીપડાલુએ અચાનક સ્ટીયરીંગ પરનો કાબુ ગુમાવી દીધો હતો અને પલટી ખાઈ ગઈ હતી, જેના કારણે અકસ્માત સર્જાયો હતો.
આ અકસ્માતમાં શાકભાજીની બોરીઓ રોડ પર ઠલવાઈ ગઈ હતી. તેમજ આ ઘટનાને પગલે આસપાસના લોકો તુરંત પહોંચી ગયા હતા અને રાહત કાર્ય શરૂ કર્યું હતું અને અકસ્માતગ્રસ્ત કારમાંથી ચાલકને બહાર કાઢ્યો હતો. આ અકસ્માતના કારણે શાકભાજીના વેપારીને મોટું નુકસાન થયું છે.