આજે લોરવાડા ગામ પાસે નેશનલ હાઈવેની સાઈડમાં રોડની વચ્ચોવચ આવેલા ઝાડ પર ટેન્કર પાણીનો છંટકાવ કરી રહ્યું હતું ત્યારે ભીલડી બાજુથી રેતી વહન કરી રહેલું ડમ્પર ટેન્કરની પાછળના ભાગે અથડાતા ડમ્પર ચાલકનું ઘટનાસ્થળે જ મોત નીપજ્યું હતું. . આ અંગેની જાણ નેશનલ હાઈવે ઓથોરીટી અને લોકોને થતા લોકોના ટોળેટોળા ઉમટી પડ્યા હતા.નેશનલ હાઈવે ઓથોરીટીના કર્મચારીઓએ ઘટના સ્થળે જઈને કેબીન કાપીને કેબીનમાં ફસાયેલી લાશને ભારે મુશ્કેલીથી બહાર કાઢી હતી. ભીલડી પોલીસે ઘટના સ્થળે જઈ લાશને પીએમ અર્થે મોકલી આપી અકસ્માતનો ગુનો નોંધી આગળની કાર્યવાહી હાથ ધરી છે. જો કે મૃતક ડ્રાઈવરની ઓળખ થઈ શકી નથી.