કોલકાતા, 5 જાન્યુઆરી (A). પશ્ચિમ બંગાળમાં તૃણમૂલ કોંગ્રેસના એક નેતાના ઘરે દરોડા પાડવા ગયેલી એન્ફોર્સમેન્ટ ડિરેક્ટોરેટની ટીમ પર હુમલો કરવામાં આવ્યો છે. જ્યારે EDની ટીમ દરોડા પાડવા માટે આવી ત્યારે લગભગ 200 ગ્રામવાસીઓએ ટીમને ઘેરી લીધી અને તેમના વાહનોની તોડફોડ કરી.
ED ટીમ પર હુમલાનો આ મામલો ઉત્તર 24 પરગણાનો છે. અહીં તપાસ એજન્સીની ટીમ રાશન કૌભાંડમાં દરોડા પાડવા ટીએમસી નેતા શાહજહાં શેખના ઘરે પહોંચી હતી. આ દરમિયાન લગભગ 200 લોકોના ટોળાએ EDની ટીમ પર અચાનક હુમલો કર્યો. આ લોકોએ ટીમની સાથે રહેલા કેન્દ્રીય સુરક્ષા દળોના વાહનોને પણ નિશાન બનાવ્યા હતા. જે વાહનોમાં ટીમ દરોડા માટે આવી હતી તે વાહનોના ટોળાએ તોડફોડ કરી હતી.