અમદાવાદના નરેન્દ્ર મોદી સ્ટેડિયમમાં રવિવારે 19 નવેમ્બરે ભારત અને ઓસ્ટ્રેલિયા વચ્ચે વર્લ્ડ કપની ફાઈનલ રમાઈ રહી છે. બંને ટીમો 20 વર્ષ પછી ફાઇનલમાં ટકરાયા છે. ક્રિકેટના ઈતિહાસમાં આ એક મહત્વપૂર્ણ ક્ષણ છે અને સ્ટેડિયમમાં ઘણી મોટી હસ્તીઓ તેની સાક્ષી બનવા માટે હાજર છે. વિરાટ કોહલીની પત્ની અનુષ્કા શર્મા અને કેએલ રાહુલની પત્ની આથિયા શેટ્ટી સ્ટેડિયમમાં હાજર છે. શાહરૂખ ખાન ગૌરી ખાન, પુત્ર આર્યન ખાન, અબ્રાહમ ખાન અને પુત્રી સુહાના સાથે હાજર છે. દીપિકા પાદુકોણ અને રણવીર સિંહ સ્ટેડિયમમાં હાજર છે. શનાયા કપૂર અને આશા ભોસલે પણ ભારતીય ટીમને ચીયર કરવા આવી છે.
નમો સ્ટેડિયમમાં ભારતીય સ્ટાર ખેલાડીઓની પત્નીઓ આકર્ષણનું કેન્દ્ર બની હતી. અમદાવાદના વિશ્વના સૌથી મોટા ક્રિકેટ સ્ટેડિયમમાં અનુષ્કા શર્મા, આથિયા શેટ્ટી જેવી અભિનેત્રીઓ હાજર છે. રવિન્દ્ર જાડેજાની પત્ની રાજનેતા રીવાબા પણ સ્ટેડિયમમાં જોવા મળી હતી. અનુષ્કા શર્મા સફેદ અને વાદળી મેક્સી ગાઉનમાં હંમેશાની જેમ સુંદર લાગી રહી હતી. અભિનેત્રીની તસવીરો સોશિયલ મીડિયા પર ઝડપથી વાયરલ થઈ રહી છે. કેએલ રાહુલની પત્ની આથિયા શેટ્ટી પણ સ્ટેડિયમમાં જોવા મળી હતી. અભિનેત્રી સફેદ ટોપ, બ્લેક જીન્સ અને ગુલાબી લૂઝ શર્ટમાં જોવા મળી હતી. અભિનેત્રી કેઝ્યુઅલ લુકમાં ખૂબ જ સુંદર લાગી રહી હતી.
બોલિવૂડ અભિનેત્રી દીપિકા પાદુકોણ અને રણવીર સિંહ પણ ફાઈનલની મજા માણવા સ્ટેડિયમ પહોંચ્યા હતા. આ સિવાય બોલિવૂડ કિંગ શાહરૂખ ખાન પણ મેચ જોવા પત્ની ગૌરી ખાન સાથે સ્ટેડિયમ પહોંચ્યા હતા. અન્ય એક તસવીરમાં દીપિકા પાદુકોણ અને રણવીર સિંહ સાથે આયુષ્માન ખુરાના અને સુહાના ખાન પણ જોવા મળે છે. આ તસવીરમાં ચારેય સ્ટાર્સ મેચની મજા લેતા જોવા મળે છે.
સુહાના ખાન, આર્યન ખાન, શનાયા કપૂર, દીપિકા પાદુકોણ, અબરામ ખાન પણ મેચ જોવા સ્ટેડિયમમાં સાથે જોવા મળ્યા હતા. તસવીરમાં અભિનેતા શાહરૂખ ખાન અને દીપિકા પાદુકોણે એકબીજાને ગળે લગાવ્યા છે. ફાઈનલ મેચ દરમિયાન બંને સ્ટાર્સ ખુશીથી ડાન્સ કરતા જોવા મળ્યા હતા. બીજી તરફ સિંગિંગ લેજેન્ડ આશા ભોસલે પણ ટીમ ઈન્ડિયાનો ઉત્સાહ વધારવા માટે ચીયર કરતી જોવા મળી હતી.