બનાસકાંઠા જિલ્લામાં અકસ્માતોનો સિલસિલો યથાવત છે. એક પછી એક લોકો અકસ્માતમાં જીવ ગુમાવી રહ્યા છે. ત્યારે પાલનપુર નજીકના ગોલા ગામ પાસે કાર અને ટ્રક વચ્ચે અકસ્માત સર્જાયો હતો. જેમાં કારમાં સવાર મહિલાને ગંભીર ઇજાઓ થતાં મહિલાનું મોત નીપજ્યું હતું. ઘટના બાદ આસપાસના લોકો ઘટના સ્થળે પહોંચી ગયા હતા અને પોલીસને જાણ કરી હતી.
પાલનપુર તાલુકા પોલીસે તાત્કાલિક ઘટના સ્થળે પહોંચી અકસ્માતની વધુ તપાસ હાથ ધરી છે. ગઈકાલે પણ પાલનપુર આબુ હાઈવે પર ઈકબાલગઢ નજીક એક અકસ્માત સર્જાયો હતો, જ્યારે ટ્રેલરે અચાનક બ્રેક લગાવતા પાછળથી ટ્રકને ટક્કર મારી હતી. જેમાં પાછળ દોડી રહેલા ટ્રક ચાલકને સારવાર માટે નજીકની હોસ્પિટલમાં રીફર કરવામાં આવ્યો હતો.