પોરબંદરના સુભાષનગર વિસ્તારથી કારલી પુલ સુધી ખાડી વિસ્તાર આવેલો છે. આ ખાડીમાં ખારું પાણી એકઠું થઈ રહ્યું છે અને ચેરના વૃક્ષોનું જંગલ પણ દેખાઈ રહ્યું છે. પરંતુ છેલ્લા બે દિવસથી ખાડીમાં ગુલાબી રંગનું પાણી જોઈને શહેરીજનો પણ ડરી ગયા હતા. જ્યુબિલી બ્રિજ પરથી જોવામાં આવે ત્યારે આખી ખાડી ગુલાબી રંગની હતી. આ અંગે વેટલેન્ડ્સ પર સંશોધન કરનારા નિષ્ણાતોનું કહેવું છે કે જે જગ્યાએ મીઠું અને ચોખ્ખું પાણી ઉપલબ્ધ છે ત્યાં લાલ શેવાળ નામની લીલીનું પ્રમાણ વધુ છે.