ગત ચૂંટણીમાં પાદરા બેઠક પરથી બળવો કરીને અપક્ષ તરીકે ચૂંટણી લડ્યા હતા, દિનુ મામા ફરી ભાજપમાં જોડાયા હતા.
ગત ચૂંટણીમાં પાદરા બેઠક પરથી બળવો કરીને અપક્ષ તરીકે ચૂંટણી લડેલા બરોડા ડેરીના પૂર્વ ચેરમેન દિનુ મામા ભાજપમાં પરત ફર્યા છે. ભાજપના પ્રદેશ પ્રમુખ સી.આર.પાટીલે દિનુ મામાને ફરી ભાજપમાં સામેલ કરીને ભાજપમાં સામેલ કર્યા છે. ગુજરાત ભાજપ પ્રમુખ સી.આર.પાટીલ આજે વડોદરાના પ્રવાસે હતા ત્યારે વડોદરામાં પૂર્વ ધારાસભ્ય દિનુમામા અને તેમના સમર્થકો ભાજપમાં જોડાયા છે.
દીનુમામાએ વિધાનસભાની ચૂંટણી વખતે બળવો કર્યો હતો. જેના પર સીઆર પાટીલે કહ્યું કે દિનુમામાએ ભૂલ કરી હતી અને તેમણે પણ ભૂલ સ્વીકારી લીધી છે. જિલ્લાના ધારાસભ્ય સાથે ચર્ચા કર્યા બાદ તેમનો સમાવેશ કરવાનો નિર્ણય લેવાયો છે. આ પ્રસંગે સી.આર.પાટીલે પાદરામાં ધારાસભ્ય કાર્યાલયનું ઉદ્ઘાટન કર્યું હતું.
બરોડા ડેરીના પૂર્વ ચેરમેન દિનુ પટેલે ભાજપમાંથી રાજીનામું આપ્યું. પાદરાના પૂર્વ ધારાસભ્ય દિનુ પટેલ ટિકિટ ન મળતા નારાજ છે. આ ઉપરાંત પાદરા બેઠક પરથી દિનુ પટેલે અપક્ષ ઉમેદવારી નોંધાવી હતી. હર્ષ સંઘવી અને સી.આર.પાટીલની સમજાવટ બાદ પણ દિનુ પટેલ રાજી ન થયા. દિનુ પટેલે પોતાનું રાજીનામું સી.આર.પાટીલ અને જિલ્લા ભાજપ પ્રમુખને મોકલી આપ્યું છે.