રાજકોટ સમાચાર : સૌરાષ્ટ્રના લોકો જાણે આ વખતે ગરમીનો અનુભવ કરવા માંગતા ન હોય તેમ છેલ્લા કેટલાક સમયથી કમોસમી વરસાદ પડી રહ્યો છે અને આગામી ત્રણ દિવસ સુધી સૌરાષ્ટ્રના ભાગોમાં ચોમાસા જેવી સ્થિતિ રહેવાની હવામાન વિભાગે આગાહી કરી છે. ત્યારે આજે સૌરાષ્ટ્રના મોટાભાગના જિલ્લાઓમાં ભારે વરસાદ પડ્યો હતો. ભારે વરસાદના કારણે માર્ગો પર પાણી ભરાઈ ગયા છે. વરસાદના કારણે જામનગર, જૂનાગઢ, રાજકોટ, પોરબંદર સહિતના વિસ્તારોમાં વાતાવરણમાં ઠંડક પ્રસરી છે. જો કે ખેડૂતો ચિંતિત છે.
છેલ્લા ત્રણ દિવસથી સૌરાષ્ટ્રના રાજકોટ, પોરબંદર, દ્વારકા, જામનગર, જૂનાગઢ અને અમરેલી જિલ્લામાં હળવોથી ભારે વરસાદ નોંધાયો છે. આ જિલ્લાઓમાં આજે પણ વરસાદ પડી રહ્યો છે. કેટલાક ગામોમાં તો જાણે નદીના પાણી નાળાઓમાં વહી રહ્યા હોય તેમ રસ્તાઓ પાણીમાં ફેરવાયા છે. વરસાદના કારણે રાહદારીઓ અને વાહન ચાલકોને મુશ્કેલીનો સામનો કરવો પડી રહ્યો છે.
સૌરાષ્ટ્રમાં કમોસમી વરસાદના કારણે ખેડૂતોને ભારે હાલાકીનો સામનો કરવો પડી રહ્યો છે. અવિરત વરસાદના કારણે ખેડૂતોને ઉનાળુ પાકમાં ભારે નુકસાન વેઠવું પડી રહ્યું છે. પાક બળી જવાથી ખેડૂતો ભયભીત છે.