વિશ્વના સૌથી શક્તિશાળી દેશ અમેરિકામાં દેવાનું સંકટ ઘેરું બનવા લાગ્યું છે. સમાચાર છે અમેરિકા રાજકોષીય અનામત ખતમ થવાના આરે પહોંચી ગયું છે. ઇન્ટરનેશનલ મોનેટરી ફંડ (IMF) એ ત્રણ મહિના પહેલા આ અંગે ચેતવણી આપી હતી. અહીં આ સંકટ વચ્ચે, જો બિડેને તેમનો G-7 એશિયા પ્રવાસ રદ કર્યો છે. તે પાપુઆ ન્યુ ગિની કે ઓસ્ટ્રેલિયા નહીં જાય. જોકે બિડેન આ અઠવાડિયે જાપાનના હિરોશિમામાં યોજાનારી ગ્રુપ ઓફ સેવન (G7) સમિટમાં ભાગ લેશે. G7 સમિટ પૂર્ણ થયા બાદ રાષ્ટ્રપતિ બિડેન રવિવારે યુનાઇટેડ સ્ટેટ્સ પરત ફરશે.
ઓસ્ટ્રેલિયાએ ક્વાડ મીટિંગ રદ કરી
અમેરિકી રાષ્ટ્રપતિ જો બિડેનની ઓસ્ટ્રેલિયા મુલાકાત મુલતવી રાખ્યા બાદ ઓસ્ટ્રેલિયાએ પણ સિડનીમાં યોજાનારી ક્વાડ મીટિંગ રદ કરી છે. ઓસ્ટ્રેલિયન પીએમ એન્થોની અલ્બેનિસે કહ્યું કે ઓસ્ટ્રેલિયા, અમેરિકા, ભારત અને જાપાનના નેતાઓ આ સપ્તાહના અંતમાં જાપાનમાં G7માં મળશે.
શું અમેરિકા ડિફોલ્ટ થશે?
ઇન્ટરનેશનલ મોનેટરી ફંડ (IMF) એ તાજેતરમાં ચેતવણી આપી હતી કે યુએસ સરકારે તેની ઉધાર મર્યાદા વટાવી દીધી છે. એટલે કે હવે તેના પર ડિફોલ્ટનું જોખમ તોળાઈ રહ્યું છે. IMF અનુસાર, જો યુએસ સરકાર ડિફોલ્ટ કરે છે, તો સમગ્ર વિશ્વમાં આર્થિક અસ્થિરતા આવી શકે છે. એમએફના સંચાર નિર્દેશક જુલી કોજેકે જણાવ્યું હતું કે, જો અમેરિકા જો ડિફોલ્ટ થશે તો માત્ર અમેરિકા જ નહીં પરંતુ વૈશ્વિક અર્થવ્યવસ્થાને પણ તેના ગંભીર પરિણામો ભોગવવા પડશે.
જો અમેરિકા ડિફોલ્ટ થશે તો સરકાર પાસે જૂનમાં બિલ ચૂકવવા માટે પૈસા નહીં હોય
ઇન્ટરનેશનલ મોનેટરી ફંડ (IMF) એ પહેલાથી જ ચેતવણી આપી હતી કે જો ડિફોલ્ટ હશે તો યુએસ સરકાર પાસે જૂનમાં બિલ ચૂકવવા માટે પૈસા નહીં હોય. યુએસ ટ્રેઝરીએ કહ્યું હતું કે તિજોરીમાં નાણાંની અછતને કારણે તે જૂનમાં સરકારને બાકી રકમ ચૂકવી શકશે નહીં. હવે જો બિડેન સરકાર પર લોન મર્યાદા વધારવાનું દબાણ વધી ગયું છે. જો કે અમેરિકાના બંને મુખ્ય પક્ષો રિપબ્લિકન અને ડેમોક્રેટિક પક્ષો આ મુદ્દે વિભાજિત જણાય છે. રાષ્ટ્રપતિ જો બિડેનની ડેમોક્રેટિક પાર્ટી દેવાની મર્યાદા વધારવાની તરફેણમાં છે.