મુંબઈઃ યુ.એસ.માં અપેક્ષિત રિટેલ વેચાણના ડેટાએ વ્યાજ દરમાં ઘટાડો કરવાની સંભાવના વધારી છે, ક્રિપ્ટોકરન્સી જેવી જોખમી અસ્કયામતોમાં સંસ્થાકીય રોકાણનો પ્રવાહ ધીમો કર્યો છે, જેના કારણે અગ્રણી ક્રિપ્ટો બિટકોઈનની કિંમતમાં $3,000થી વધુનો ઘટાડો જોવા મળ્યો છે. બિટકોઈન પછી, અન્ય ક્રિપ્ટોઝમાં પણ વેચાણ થયું હતું.
અમેરિકામાં માર્ચમાં છૂટક વેચાણમાં 0.70 ટકાનો વધારો થયો છે. ફેબ્રુઆરીનો આંકડો પણ 0.60 ટકાની સરખામણીએ સુધરીને 0.90 ટકા થયો છે, જે દર્શાવે છે કે છૂટક વેચાણ વધી રહ્યું છે.
ઈરાન અને ઈઝરાયેલના તણાવના પરિણામે, ક્રિપ્ટો માર્કેટમાં છેલ્લા બે દિવસમાં નોંધપાત્ર વોલેટિલિટી જોવા મળી છે.
બિટકોઈન મોડી સાંજે $63,270 પર ટ્રેડ કરી રહ્યો હતો, જે છેલ્લા ચોવીસ કલાકમાં $6,200ની નીચી સપાટી અને $66,818ની ઊંચી સપાટીએ પહોંચ્યો હતો. Ethereum $3087 પર હતું જ્યારે BNB $531 પર હતું.
ક્રિપ્ટો કરન્સીની વૈશ્વિક બજાર મૂડી ઘટીને $2.29 ટ્રિલિયન થઈ ગઈ. યુએસ-લિસ્ટેડ સ્પોટ બિટકોઈન ETFsમાં પણ પ્રવાહ ધીમો હોવાનું નોંધાયું છે.
અન્ય અહેવાલ મુજબ, હોંગકોંગે તેના પ્રથમ બિટકોઈન અને ઈથર એક્સચેન્જ ટ્રેડેડ ફંડ (ETF)ને શરતી મંજૂરી આપી છે.