નવી દિલ્હી: હાલમાં જ દિવંગત ગાયક સિદ્ધુ મૂઝવાલાની માતા ચરણ કૌરે 58 વર્ષની વયે પુત્રને જન્મ આપ્યો હતો, જેનો ફોટો ગાયકના પિતા બલકૌર સિંહે સોશિયલ મીડિયા પર શેર કર્યો હતો. હવે એક નવો વિડિયો સામે આવ્યો છે, જેમાં તે એક નવજાત બાળકને ખોળામાં પકડેલો જોવા મળી રહ્યો છે. તેના ચહેરા પરની ખુશી બધું કહી રહી છે. આ વિડીયો જોયા બાદ સેલેબ્સ અભિનંદન આપતા જોવા મળી રહ્યા છે, તો ચાહકો પ્રેમ વરસાવતા જોવા મળી રહ્યા છે. સામે આવેલા વીડિયોમાં બલકૌર સિંહ ડોક્ટરો અને નર્સો સાથે જોવા મળે છે. બાળકને જ્યારે તેને સોંપવામાં આવે છે ત્યારે તેના ચહેરા પરની ખુશી જોવા જેવી છે. આ વીડિયો જોયા બાદ ચાહકો કહી રહ્યા છે કે સિદ્ધુ મૂઝવાલા પાછા ફર્યા છે.