અમદાવાદમાં બનેલી ઘટના બાદ પોલીસ સફાળી જાગી છે અને હાઈવે પર સ્ટંટ કરનારાઓ સામે કાર્યવાહી શરૂ કરી છે. પરંતુ આ સ્ટંટમેનને જાણે કાયદો અને પોલીસનો કોઈ ડર ન હોય તેમ તેઓ સોશિયલ મીડિયા પર વાયરલ થઈ રહ્યા છે. સુરત શહેરમાં એવી સ્થિતિ છે કે વાહનો પર સ્ટંટ કરવા પર સટ્ટો લગાવવામાં આવે છે. શહેરના સરથાણા વિસ્તારનો એક વિડીયો વાયરલ થતા પોલીસ દોડતી થઈ ગઈ છે. આ વાયરલ વીડિયોમાં એક યુવક જીપના બોનેટ પર ઉભો છે અને સિગારેટ પી રહ્યો છે જ્યારે અન્ય યુવક જીપ ચલાવી રહ્યો છે. આ કેસમાં પોલીસે જીપ માલિક અને બોનેટ પર ઉભેલા યુવકને કસ્ટડીમાં લઈ જીપ ચાલકની શોધખોળ હાથ ધરી છે.