સુરત સમાચાર: સુરતના પાંડેસરા બમરોલી રોડ પર આવેલી લૂમના ખાતામાં વીજ કરંટ લાગવાથી એક મજૂરનું મોત થયું છે. ઈલેક્ટ્રીક બોર્ડમાં લાગેલું લોખંડ હટાવતા યુવાનને વીજ કરંટ લાગ્યો હતો. સમગ્ર ઘટનાના CCTV ફૂટેજ પણ સામે આવ્યા છે. પાંડેસરા પોલીસે અકસ્માત મોતનો ગુનો નોંધી વધુ તપાસ હાથ ધરી છે.
મળતી માહિતી મુજબ, સુરતના પાંડેસરા શિવાજીનગર પાસે રહેતો દીપક વસંતભાઈ પાટીલ (ઉંમર 30 વર્ષ) પાંડેસરા બમરોલી રોડ પર આવેલી ક્રિષ્ના ઈન્ડસ્ટ્રીયલમાં લૂમ ખાતામાં કામ કરતો હતો. ગઈકાલે તેઓ રાબેતા મુજબ લૂમ્સના ખાતામાં કામ કરી રહ્યા હતા ત્યારે તેમને વીજ કરંટ લાગ્યો હતો. વીજ બોર્ડમાં ફીટ કરેલું ઈલેક્ટ્રીક લોખંડ કાઢવા જતાં દીપક વીજ કરંટ લાગતાં ત્યાં જ ઢળી પડ્યો હતો. હોસ્પિટલ લઈ જતા રસ્તામાં દીપકનું મોત નીપજ્યું હતું.
વીડિયોમાં જોવા મળી રહ્યું છે કે યુવકને વીજ કરંટ લાગતા 13 સેકન્ડની અંદર આ ઘટના બની હતી. CCTV ફૂટેજમાં જોઈ શકાય છે કે ઈલેક્ટ્રીક બોર્ડમાંથી લોખંડ કાઢવાનો પ્રયાસ કરતી વખતે યુવક વીજ કરંટ લાગ્યો હતો. અને ત્યાં તે પડી જાય છે. ત્યાં હાજર અન્ય કર્મચારીઓ પણ દોડી આવ્યા હતા અને તેમાંથી એકે તરત જ વીજ બોર્ડની સ્વીચ ઓફ કરી દીધી હતી. જ્યારે અન્ય એક કારીગર પણ તરત જ ત્યાંથી લોખંડ કાઢી નાખે છે. આ અંગે પાંડેસરા પોલીસે અકસ્માત મોતનો ગુનો નોંધી તપાસ હાથ ધરી છે.