આરોગ્ય મંત્રી ઋષિકેશ પટેલે ગાંધીનગર સિવિલ હોસ્પિટલમાં “હોસ્પિટલ એન્ડ પેશન્ટ કેર ઈમ્પ્રૂવમેન્ટ મિશન” (HPCIM) હેઠળ પાયલોટ પ્રોજેક્ટનો પ્રારંભ કર્યો
આરોગ્ય મંત્રી ઋષિકેશ પટેલ દર્દી અને સંબંધીઓ માટે 24×7 હેલ્પ ડેસ્ક, હોસ્પિટલમાં ઈમરજન્સી માટે ગોલ્ફ કાર, વિવિધ IEC પ્રવૃત્તિઓનું ઉદ્ઘાટન કરતા
સરકારી હોસ્પિટલમાં દર્દીઓની સારવાર અને સારસંભાળ સાથેની આરોગ્ય સેવા – સુવિધાની સરળ ઉપલબ્ધતા પર ધ્યાન કેન્દ્રિત કરવાનો ઉદ્દેશ્ય છેઃ- આરોગ્ય મંત્રી હૃષિકેશ પટેલ
રાજ્યની 93 આરોગ્ય સંસ્થાઓમાં આ પ્રોજેકટ લાગુ કરવામાં આવશે – આરોગ્ય મંત્રી
6 સરકારી મેડિકલ કોલેજો અને હોસ્પિટલો, 8 GMERS મેડિકલ કોલેજો, 21 જિલ્લા હોસ્પિટલો અને 58 ઉપ-જિલ્લા હોસ્પિટલો આ પ્રોજેક્ટ હેઠળ વિવિધ પ્રવૃત્તિઓમાં સામેલ થશે.
(GNS),05
હોસ્પિટલ અને પેશન્ટ કેર ઇમ્પ્રૂવમેન્ટ મિશન (HPCIM)ના પાયલોટ પ્રોજેક્ટનું ગાંધીનગર સિવિલ હોસ્પિટલમાં આરોગ્ય મંત્રી ઋષિકેશ પટેલના હસ્તે ઉદ્ઘાટન કરવામાં આવ્યું હતું.
આ મિશન અંતર્ગત આરોગ્ય મંત્રીએ ગાંધીનગર સિવિલ હોસ્પિટલના દર્દીઓ અને સગાંઓ માટે બે નવનિર્મિત હેલ્પ ડેસ્ક અને CSR હેઠળ મળેલી ત્રણ ગોલ્ફ કાર દર્દીઓની સેવા માટે અર્પણ કરી હતી.
દર્દી-કેન્દ્રિત આરોગ્ય સારવાર અને સંભાળની સાથે, હોસ્પિટલમાં ઉપલબ્ધ સેવાઓ અને સુવિધાઓની ઉપલબ્ધતા હોસ્પિટલમાં આવતા દર્દીઓ અને તેમના સંબંધીઓને આ હેલ્પ ડેસ્ક હેઠળ 24*7 સરળતાથી ઉપલબ્ધ કરાવવામાં આવશે.