હારીજ નગરપાલિકાના વરિષ્ઠ કર્મચારીઓ, સફાઈ કર્મચારી, પ્લમ્બર, ડ્રાઈવર, બોર ઓપરેટર વગેરે જેઓ વર્ષોથી ફરજ બજાવતા હોય તેમને ઘણા વર્ષોથી ઈન્ક્રીમેન્ટ આપવામાં આવતું નથી. આ માટે આવેદનપત્ર આપવા છતાં સમસ્યાનું નિરાકરણ ન આવતાં તેઓ ગઈકાલથી હડતાળ પર ઉતરી ગયા હતા અને ધારાસભ્ય તેમના નિવાસસ્થાને પોતાની વાત રજૂ કરવા ગયા ત્યારે તેમની માંગણી પૂરી કરવાની હિંમત આપતાં હડતાળ સમેટાઈ હતી.
પાટણ જિલ્લાની રાધનપુર, ચાણસ્મા, પાટણ વગેરે નગરપાલિકાઓમાં કામ કરતા સફાઇ કામદારો, બોર ઓપરેટરો, પ્લમ્બર, ડ્રાઇવરોને પ્રતિદિન રૂ. 452 ચૂકવવામાં આવ્યા છે. જ્યારે હારીજ નગરપાલિકા દ્વારા સરકારના જીઆર મુજબ પગારમાં વધારો નહીં કરાતા મામલતદારને આવેદનપત્ર આપી ભવિષ્યમાં કામકાજથી અળગા રહેવા ચેતવણી આપવામાં આવી હતી. માંગણીઓનું નિરાકરણ ન આવતા કર્મચારીઓ હડતાળ પર ઉતરી ગયા હતા અને ધારાસભ્ય સમક્ષ પોતાની વાત રાખી હતી.