ગઠિયાએ બેન્કનો બ્રાંચ મેનેજર વાત કરું છું, KYC બાકી છે કહી કોલ કર્યાે
યુવકે સાયબર હેલ્પલાઇનમાં જાણ કર્યા બાદ નિકોલ પોલીસ મથકે ફરિયાદ કરતાં પોલીસે ગુનો નોંધ્યો
અમદાવાદ,અમદાવાદના નિકોલ વિસ્તારમાં રહેતા અને કન્સ્ટ્રક્શન કંપનીમાં સુપરવાઇઝર તરીકે કાર્યરત યુવક સાયબર છેતરપિંડીનો ભોગ બન્યો છે. અજાણ્યા શખ્સે KYC અપડેટ કરવાનું કહીને પહેલા સામાન્ય ફોન કર્યાે અને ત્યારબાદ છઁદ્ભ ફાઇલ ઇન્સ્ટોલ કરાવી હતી. ગઠિયાએ વીડિયો કોલ દ્વારા એપ્લિકેશનમાં વિવિધ કોડ નખાવીને યુવકના બંને બેંક ખાતા હેક કર્યા અને તેમાંથી રૂ. ૧.૨૫ લાખ સેરવી લીધા હતા. આ મામલે યુવકે સાયબર હેલ્પલાઇનમાં જાણ કર્યા બાદ નિકોલ પોલીસ મથકે ફરિયાદ નોંધાવી છે.
નિકોલમાં ૩૩ વર્ષીય પ્રકાશભાઈ સાવલિયા પરિવાર સાથે રહે છે અને કન્સ્ટ્રક્શન કંપનીમાં સુપરવાઇઝર તરીકે નોકરી કરે છે. પ્રકાશભાઈ બેંકમાં બે ખાતા ધરાવે છે, જે પૈકીનું એક ખાતું નિકોલ વિસ્તારની બેંક ઓફ ઈન્ડિયામાં છે. ગત ૧૪ માર્ચના રોજ બપોરે તેઓ ઘરે હતા ત્યારે તેમના મોબાઈલ પર અજાણ્યા નંબર પરથી ફોન આવ્યો હતો. સામેની વ્યક્તિએ ‘હું બેંક મેનેજર બોલું છું’ કહી વિશ્વાસ કેળવ્યો અને ‘તમારા ખાતાનું KYC કરવાનું બાકી છે’ તેમ જણાવ્યું હતું. ત્યારબાદ તે શખ્સે પ્રકાશભાઈના વોટ્સએપ નંબર પર બેંક ઓફ ઈન્ડિયાના લોગોવાળી એક ફાઇલ મોકલી અને તેમાં જન્મતારીખ સહિતની વિગતો ભરવા જણાવ્યું હતું.
વિગતો અપડેટ ન થતાં બીજા અજાણ્યા નંબર પરથી વીડિયો કોલ આવ્યો હતો, જેમાં સામેની વ્યક્તિનો ચહેરો દેખાતો નહોતો. વીડિયો કોલ કરનાર શખ્સે પ્રકાશભાઈ પાસે એપ્લિકેશનમાં વિવિધ કોડ નંખાવ્યા હતા. તેની થોડી જ વારમાં યુવકના બંને બેંક ખાતામાંથી કુલ રૂ. ૧.૨૫ લાખ કપાઈ ગયા હતા.આ દરમિયાન વીડિયો કોલ ચાલુ જ હતો, તેથી તે શખ્સે વિશ્વાસ આપતા જણાવ્યું કે, “આગામી ૨૪ કલાકમાં તમારા કપાયેલા રૂપિયા ખાતામાં પરત આવી જશે.”
જોકે, ૨૪ કલાક વીતી ગયા છતાં નાણાં પરત ન આવતા પ્રકાશભાઈએ જે નંબર પરથી ફોન આવ્યો હતો તેના પર મેસેજ કર્યાે અને સંપર્ક સાધ્યો હતો. ત્યારે સામેની વ્યક્તિએ જણાવ્યું કે તેનું વોટ્સએપ એકાઉન્ટ છેલ્લા ૧૫ દિવસથી બંધ છે. અંતે પ્રકાશભાઈને સમજાયું કે KYC અપડેટ કરવાના બહાને તેમની સાથે સાયબર છેતરપિંડી થઈ છે. તેમણે તાત્કાલિક સાયબર હેલ્પલાઇનનો સંપર્ક કર્યાે અને નિકોલ પોલીસ મથકે આ અંગે વિધિવત ફરિયાદ નોંધાવી છે.SS1
