અમદાવાદ, અમદાવાદના નરેન્દ્ર મોદી સ્ટેડિયમમાં રમાયેલી હાઈ-વોલ્ટેજ ફાઈનલમાં ન્યૂઝીલેન્ડને હરાવીને ભારતીય ટીમે ત્રીજી વખત ટી૨૦ વર્લ્ડ કપના ખિતાબ પર કબજો જમાવ્યો છે.
આ ઐતિહાસિક જીત બાદ વિશ્વ વિજેતા ટીમ ઇન્ડિયા પર કરોડો રૂપિયાના ઇનામોનો વરસાદ થયો છે.ભારતીય ટીમે ફાઈનલ મુકાબલામાં ન્યુઝીલેન્ડને ૯૬ રનથી હરાવીને જોરદાર જીત મેળવી છે. રવિવારે રમાયેલી આ મેચમાં ભારતે આપેલા ૨૫૬ રનના વિશાળ ટાર્ગેટ સામે કીવી ટીમ માત્ર ૧૫૯ રનમાં ઓલઆઉટ થઈ ગઈ હતી.
ભારતની આ જીતમાં સંજુ સેમસનની ૮૯ રનની આક્રમક ઇનિંગ અને જસપ્રીત બુમરાહની ૪ વિકેટ મહત્વની સાબિત થઈ હતી. ભારત સતત બીજીવાર (૨૦૨૪ અને ૨૦૨૬) ચેમ્પિયન બન્યું છે.ટી૨૦ વર્લ્ડ કપ ૨૦૨૬ જીતનારી ભારતીય ટીમને આઈસીસી તરફથી ૩ મિલિયન ડોલર (અંદાજે ૨૭.૫૦ કરોડ) ની ઈનામી રકમ મળી છે.
બીજી તરફ, ફાઈનલમાં હારનાર ન્યુઝીલેન્ડની ટીમને રનર-અપ તરીકે ૧.૬ મિલિયન ડોલર (અંદાજે ૧૪.૬૭ કરોડ) આપવામાં આવ્યા છે. કીવી ટીમનું પ્રથમ વખત વર્લ્ડ કપ જીતવાનું સપનું ફરી એકવાર અધૂરું રહ્યું છે.સેમિ ફાઈનલમાં હારનારી ટીમો (ઈંગ્લેન્ડ અને દક્ષિણ આળિકા) ને પણ ખાલી હાથે ઘરે જવું પડ્યું નથી, તેમને ૦.૭૯ મિલિયન ડોલર (અંદાજે ૭.૨૪ કરોડ) મળ્યા છે. આ સિવાય ૫ થી ૧૨માં ક્રમે રહેલી ટીમોને ૩.૪૮ કરોડ અને ૧૩ થી ૨૦માં ક્રમની ટીમોને ૨.૨૯ કરોડની પ્રાઈઝ મની મળી છે.
આ વખતે ઇન્ટરનેશનલ ક્રિકેટ કાઉન્સિલએ કુલ ૧૩.૫ મિલિયન ડોલર (અંદાજે ૧૨૩.૭૭ કરોડ) નું રેકોર્ડબ્રેક પ્રાઈઝ પૂલ રાખ્યું હતું. જે ૨૦૨૪ ના વર્લ્ડ કપ કરતા ૨૦% વધુ છે. ૨૦૨૪ માં કુલ ૧૧.૨૫ મિલિયન ડોલર વહેંચવામાં આવ્યા હતા. આ વધારો દર્શાવે છે કે ટી૨૦ ક્રિકેટની લોકપ્રિયતા અને તેની વ્યાવસાયિક કિંમત સતત વધી રહી છે.SS1MS
