પુણે, એલપીજી સિલિન્ડરની તીવ્ર તંગીનો સામનો કરી રહેલા રેસ્ટોરાં માલિકો અને ગૃહિણીઓ વૈકલ્પિક ઇંધણ તરીકે વપરાતા કોલસા અને લાકડાના ભાવમાં મોટો ઉછાળો આવ્યાની અને એના કાળા બજાર થઈ રહ્યા હોવાની ફરિયાદો શરુ થઈ છે. પુણેના કોલસાના વેપારીઓના જણાવ્યા મુજબ ઘણા લોકોને ગેસ સિલિન્ડર્સ મળતા ન હોવાથી કોલસાની માગમાં એકઝાટકે ૮૦ ટકાનો ઉછાળો આવ્યો છે.પુણેના નાર્હે વિસ્તારની રહેવાસી છાયા ભવરે જણાવ્યું હતું કે એલપીજી સિલિન્ડર ન મળતા મેં હમણા કોલસાથી ચાલતો સ્ટવ ખરીદ્યો હતો. હાઉસિંગ સોસાયટીઓના રહીશો એલપીજી સિલિન્ડર ન મળતા એના વિકલ્પરૂપે એકસાથે ૫-૧૦ કિલો કોલસા ખરીદી રહ્યા છે.શહેરના સપ્લાયટરોએ કોલસાના ધૂમ કાળા બજાર થતા હોવાની પુષ્ટિ કરતા જણાવ્યું હતું…
Author: gujarat
અમદાવાદ, શહેરના એસપી રિંગ રોડ પાસે હેબતપુર ગામ પાછળ આવેલી બીનોરી એરિસ્ટોલા નામની સાઈટ પર કામ કરતા શ્રમિકનું ત્રીજા માળેથી નીચે પડવાના કારણે મોત થયું હતું.સાઈટ પર સેફ્ટી નેટ ના લગાવવાના કારણે શ્રમિકના મોત મામલે બોડકદેવ પોલીસે બિલ્ડર, એન્જિનિયર, કોન્ટ્રાક્ટર સહિત ચાર લોકો સામે ગુનો નોંધી તપાસ શરૂ કરી છે. મૂળ રાજસ્થાનનો ૨૩ વર્ષીય અનિલ નિનામા એસપી રિંગ રોડ હેબતપુર ગામ પાછળ આવેલી બીનોરી એરિસ્ટોલા નામની કન્સ્ટ્રક્શન સાઈટ પર વોટર પ્›ફિંગનું કામ કરતો હતો.તા.૩૦ સપ્ટેમ્બરના રોજ તે ત્રીજા માળે વોટર પ્રુફિંગનું કામ કરતો હતો. આ સાઇટના ફ્લેટ નંબર ૩૦૧ના બેડરૂમની બારીના છજ્જા પર પ્લાન્ટેશનની જગ્યાએ તે વોટર પ્›ફિંગનું કામ કરતો…
અમદાવાદ, શહેરીજનોને આગ અને અકસ્માત સહિતની કુદરતી તેમજ માનવસર્જીત આપત્તિ સમયે રાહત-બચાવની કામગીરી કરતાં ફાયર બ્રિગેડનાં કર્મચારીઓ અને અધિકારીઓ માટે બનાવાયેલાં ક્વાટર્સ અને ઓફિસ વગેરેનાં છેલ્લા બે વર્ષનાં જ વીજળી બિલ બે કરોડ ઉપર આવતાં ઉચ્ચ અધિકારીઓ કોઇ નીતિવિષયક નિર્ણય લેતા નથી તે પૂરવાર થયું છે.શહેરનાં જુદા જુદા વિસ્તારોમાં નાગરિકોને વિવિધ પ્રકારની આફતમાંથી બચાવવા માટે કરોડો રૂપિયાનાં ખર્ચે કુલ ૧૯ જેટલાં ફાયર સ્ટેશન, ફાયરમેન ક્વાટર્સ અને ઓફિસર્સ ક્વાટર્સ બનાવવામાં આવ્યા છે.જ્યાં રહેતાં ફાયરમેન તથા ઓફિસર્સનાં ઘરે વપરાતી વીજળીનાં બિલ મ્યુનિ. તિજોરીમાંથી ચૂકવવામાં આવતાં હોવાથી અનેક ફાયરમેન તથા ઓફિસર મનફાવે તેમ વીજવપરાશ કરી મ્યુનિ. તિજોરી ઉપર બિનજરૂરી ભારણ વધારી રહ્યાં છે.આ…
અમદાવાદ, નરોડા વિસ્તારમાં આવેલી એક ઓફિસમાં જમીન દલાલીની જૂની અદાવત રાખી ત્રણ શખ્સોએ હુમલો કરી યુવકને છરીના ઘા ઝીંકી દીધા હોવાની ઘટના સામે આવી છે.ગંભીર રીતે ઇજાગ્રસ્ત યુવકને સારવાર અર્થે ખાનગી હોસ્પિટલમાં ખસેડવામાં આવ્યો છે, જ્યાં તેના હાથમાં ગંભીર ઇજા થતા ટાંકા લેવા પડ્યા છે. નરોડા પોલીસે આ મામલે ગુનો નોંધી વધુ તપાસ હાથ ધરી છે.વસ્ત્રાપુર વિસ્તારમાં રહેતા અને જમીન દલાલીનો વ્યવસાય કરતા હાર્દિક મહેન્દ્રભાઈ પટેલ ગત ૧૩ માર્ચના રોજ રાત્રે સાડા બાર વાગ્યાના સુમારે નરોડા મુઠિયા ટોલટેક્સ પાસે આવેલી પોતાની ઓફિસે મિત્રો સાથે હાજર હતા. આ સમયે અગાઉ જમીન દલાલી બાબતે જેની સાથે તકરાર થઈ હતી તેવો ભરતસિંહ નાથુસિંહ…
પ્રાંતિજ, પ્રાંતિજ તાલુકાના સાદોલિયા ગામે આવેલા પુલના છેડે રાત્રિના સમયે ગડરમાં ડમ્પર ઘૂસી જતાં ડમ્પરના ડ્રાઇવર અને કંડક્ટર બંનેનાં મોત નીપજ્યા હતા. મળતી માહિતી મુજબ, પ્રાંતિજ-મહેસાણાને જાડતા સાદોલિયા ગામેથી પસાર થતી સાબરમતી નદી ઉપર બનેલ પુલ પર ઓવરલોડ અને ભારે વાહનો ઉપર પ્રતિબંધ હોવાથી પુલના બન્ને છેડે લોખંડની હેવી ગડર લગાડવામાં આવી છે.જ્યાં શનિવારે મોડી રાત્રે પ્રાંતિજ તરફથી કપચી ભરીને જઈ રહેલું ડમ્પર બાબરીયા વીરના મંદિર નજીક બ્રિજના છેડે લગાવવામાં આવેલી ગડર સાથે ટકરાયું હતું. આ અકસ્માત એટલો ભયંકર હતો કે, ડમ્પરના કેબિનમાં ગડરનો ભાગ પડતાં ડ્રાઇવર અને કંડક્ટરને ગંભીર ઇજાઓ પહોંચતાં બંનેનું ઘટના સ્થળે જમોત નીપજ્યું હતું. અકસ્માતની જાણ…
ભીલડી, બનાસકાંઠા એસઓજીની ટીમે બાતમી આધારે ડીસા તાલુકાના છત્રાલા ગામે બે ખેતરમાં રેડ કરી પશુઓના ઘાસચારાના વાવેતરની આડમાં પ્રતિબંધિત ગાંજાના છોડના કરેલા વાવેતરને ઝડપી પાડ્યું હતું.એસઓજીએ ૨૩૬ છોડ સાથે ૨ ખેડૂતની અટકાયત કરી કાયદેસરની કાર્યવાહી હાથ ધરી હતી.ડીસા તાલુકાના છત્રાલા ગામે ગાંજાની ખેતી થતી હોવાની એસ.ઓ.જી.ને બાતમી મળી હતી. આથી ટીમે છત્રાલા ગામની સીમમાં રહેતા સોલંકી ઇશ્વરજી મોબતાજીના ખેતરમાં રેડ કરતાં પશુઓના ઘાસચારાના આડમાં ખેતરમાં છુટાછવાયા ગાંજાના છોડનું વાવેતર કરાયેલું હતું. પોલીસે આ છોડની ગણતરી કરતાં ૧૦૯ છોડ જણાયા હતા.જેનું વજન કરાવતાં ૧૬.૧૪૮ કિલોગ્રામ જેની કિં.રૂ. ૮,૦૭,૪૦૦નો મુદ્દામાલ મળી આવ્યો હતો. જ્યારે સોલંકી રેવાજી ગોકાજીના ખેતરમાં રેડ કરતાં પશુઓના ઘાસચારાની…
સુરત, સુરત જિલ્લાના ઉમરપાડા તાલુકામાં માનવતાને શર્મસાર કરતી એક અત્યંત આઘાતજનક ઘટના પ્રકાશમાં આવી છે, જેમાં લગ્ન પ્રસંગમાં હાજરી આપવા આવેલી એક નિર્દાેષ સગીરાને ચાર હવસખોરોએ પોતાની હવસનો શિકાર બનાવી સામૂહિક દુષ્કર્મ આચર્યું હોવાની વિગતો બહાર આવતા સમગ્ર પંથકમાં ચકચાર મચી ગઈ છે.આ ચકચારી ઘટનાની ગંભીરતાને ધ્યાને લઈને પોલીસે ત્વરિત કાર્યવાહી હાથ ધરી ગણતરીના કલાકોમાં જ એક સગીર વયના આરોપી સહિત કુલ ચાર નરાધમોને જેલના સળિયા પાછળ ધકેલી દીધા છે.પ્રાપ્ત વિગતો અનુસાર, ઉમરપાડા વિસ્તારમાં યોજાયેલા એક લગ્ન પ્રસંગ દરમિયાન ચાર શખ્સોની મેલી નજર આ સગીરા પર પડી હતી. આ નરાધમોએ સગીરાને પટાવી-ફોસલાવી બસ સ્ટેશનની પાછળ આવેલા એક અવાવરું સ્થળે લઈ…
રાજકોટ, રાજકોટ સ્થિત એઇમ્સ હોસ્પિટલમાં એમ.બી.બી.એસ.ના ઇન્ટર્ન તબીબના આપઘાત મામલે પોલીસની તપાસમાં નવો વળાંક સામે આવ્યો છે. અભ્યાસ કરતા સહપાઠી પાંચ વિદ્યાર્થીઓના શારીરિક અને માનસિક ત્રાસના કારણે જ યુવાને જીવન ટૂંકાવી લીધાનું સામે આવ્યું છે.આ પ્રકરણમાં પોલીસે પાંચેય વિદ્યાર્થીઓની ધરપકડ કરી કોર્ટમાં રજૂ કરતા તેઓને જ્યુડિશિયલ કસ્ટડીમાં મોકલી આપવામાં આવ્યા છે.રાજકોટ એસ.સી., એસ.ટી. સેલના એ.સી.પી. ચિંતન પટેલે મીડિયા સમક્ષ જણાવ્યું હતું કે, એઇમ્સ હોસ્પિટલના ઇન્ટર્ન તબીબ અને એમ.બી.બી.એસ.ના વિદ્યાર્થી રતનકુમાર મોહનલાલ મેઘવાલે આપઘાત પહેલા લખેલી સુસાઈડ નોટ મળી આવી છે.જેમાં મૃતકે તેમની સાથે અભ્યાસ કરતા પાંચ વિદ્યાર્થીઓ શારીરિક અને માનસિક ત્રાસ આપતા હોવાનો ઉલ્લેખ કર્યાે છે. પોલીસે પ્રણવ પાલીવાલ, અસ્મિત…
દ્વારકા, દ્વારકાના જગત મંદિરે દર્શનાર્થે આવતા ભોળા શ્રદ્ધાળુઓને નિશાન બનાવી, તેમને નશીલું પીણું પીવડાવી લૂંટતી એક ટોળકીનો દેવભૂમિ દ્વારકા લોકલ ક્રાઈમ બ્રાન્ચ દ્વારા પર્દાફાશ કરવામાં આવ્યો છે. ભાવનગર જિલ્લાના બે આરોપીઓને રૂપિયા ૩.૧૪ લાખના મુદ્દામાલ સાથે પોલીસે દબોચી લીધા છે.આ ગેંગ વૃદ્ધ અને નિર્દાેષ દર્શનાર્થીઓને ટાર્ગેટ કરતી હતી.આરોપીઓ સૌપ્રથમ ભક્તો સાથે મીઠી વાતો કરીને વિશ્વાસ કેળવતા અને ત્યારબાદ તેમને એકાંત સ્થળે લઈ જઈ શેરડીના રસ કે ઠંડા પીણામાં ધતુરાનો પાવડર ભેળવી પીવડાવી દેતા હતા. પીણું પીતા જ ભક્તો બેભાન થઈ જતા, જેનો લાભ ઉઠાવી આરોપીઓ તેમના શરીર પરના સોનાના દાગીના અને રોકડ લૂંટીને ફરાર થઈ જતા હતા.તાજેતરમાં હોળી-ધુળેટીના ફૂલડોલ ઉત્સવ…
અમદાવાદ સિવિલમાં ૧૪ કલાકમાં બે અંગદાન: ૯૯૫ અંગો-પેશીઓના દાનથી અત્યાર સુધી ૭૪૨ વ્યક્તિઓને મળ્યું નવજીવનલોહીનો રંગ એક, શ્વાસની કિંમત પણ એક: મુસ્લિમ સમાજમાંથી મળેલું નવમું અંગદાનઅંગદાન પહેલાં અંગદાતાને શ્રદ્ધાંજલિરૂપે કરવામાં આવે છે પ્રાર્થના; એકસાથે પ્રાર્થના અને કલમા ગુંજતા સર્જાયા લાગણીસભર દ્રશ્યોઅમદાવાદની સિવિલ હોસ્પિટલના કોરિડોરમાં ૧૫ માર્ચના રોજ એક એવું દ્રશ્ય સર્જાયું જેણે ધર્મના વાડાઓ અને સામાજિક રૂઢિચુસ્તતાને હંમેશા માટે હચમચાવી દીધી. જ્યારે સમગ્ર મુસ્લિમ બિરાદરો રમજાનના પવિત્ર માસમાં ખુદાની ઈબાદતમાં લીન છે, ત્યારે જૂનાગઢના ચાવડા પરિવારે પોતાની વ્હાલસોયી સ્વજન જેબુનબેનના અંગોનું દાન કરી ‘ખિદમત-એ-ખલ્ક’ (માનવતાની સેવા)નું સર્વોચ્ચ ઉદાહરણ પૂરું પાડ્યું છે.જૂનાગઢના કેશોદ પાસે માર્ગ અકસ્માતનો ભોગ બનેલા ૫૧ વર્ષીય જેબુનબેનને…