પશ્ચિમ એશિયામાં ફરી એકવાર તણાવ ચરમસીમાએ પહોંચી ગયો છે. અમેરિકાએ આજે (બુધવાર, 8 જુલાઈ) વહેલી સવારે ઈરાનના 80 થી વધુ સૈન્ય લક્ષ્યો પર ચોકસાઇવાળા શસ્ત્રો વડે હુમલો કર્યો છે. આ સિવાય હોર્મુઝ દરિયાઈ માર્ગમાં ઈરાનની 60થી વધુ નાની સૈન્ય બોટોને પણ નિશાન બનાવવામાં આવી છે. આ પછી ઈરાને ખાડીના બે મુસ્લિમ દેશો બહેરીન અને કુવૈતમાં અમેરિકન સૈન્ય મથકો પર શ્રેણીબદ્ધ હુમલા કર્યા. આ પછી અમેરિકી રાષ્ટ્રપતિ ડોનાલ્ડ ટ્રમ્પે કહ્યું કે ઈરાન સાથે યુદ્ધવિરામ સમાપ્ત થઈ ગયો છે.
આ સાથે ટ્રમ્પે નાટો સમિટ દરમિયાન કહ્યું હતું કે અમેરિકા બુધવારે રાત્રે ઈરાન પર “જોરદાર હુમલો” કરી શકે છે. તુર્કીની રાજધાની અંકારામાં નાટો સમિટમાં ટ્રમ્પે કહ્યું, “મેં તેમને અગાઉથી ચેતવણી આપી હતી કે અમે આજે રાત્રે તેમના પર જોરદાર હુમલો કરીશું, પરંતુ ચાલો જોઈએ કે આગળ શું થાય છે.” યુક્રેનના રાષ્ટ્રપતિ વોલોડીમિર ઝેલેન્સકીની સાથે બેસીને ટ્રમ્પે પુનરોચ્ચાર કર્યો કે ઈરાન વિરુદ્ધ યુએસ સૈન્ય અભિયાન તેના ઉદ્દેશ્યમાં સફળ થયું છે, જોકે ઈરાનનું ધાર્મિક અને લશ્કરી નેતૃત્વ સત્તામાં છે.
તેહરાને જોરદાર વળતો પ્રહાર કર્યો
ટ્રમ્પની ધમકી પર તહેરાને જોરદાર જવાબ આપ્યો છે. ઈરાનના પૂર્વ સર્વોચ્ચ નેતા અલી ખમેનીના સલાહકાર અલી અકબર વેલાયતીએ અમેરિકાને સીધી ચેતવણી આપતાં કહ્યું છે કે આ વિસ્તાર ‘રાજકીય જુગારની જગ્યા નથી’, જ્યાં તેઓ પોતાનો રાજકીય રોટલો કમાઈ શકે. ટ્રમ્પની ધમકીઓ પર, તેમણે સ્પષ્ટપણે કહ્યું કે “તેહરાનની આંગળીઓ પણ ટ્રિગર પર છે.” અલી અકબર વેલાયતીએ ચેતવણી આપી હતી કે આ પ્રદેશ “નાના દેશો દ્વારા રાજકીય જુગાર માટેનું સ્થાન નથી” અને કહ્યું કે યુએસ ઉશ્કેરણીઓના જવાબમાં “પ્રતિકારની ધરી” ટ્રિગર પર આંગળી ધરાવે છે.
