મોબાઇલ ન્યૂઝ ડેસ્ક,દુનિયાભરમાં iPhonesને લોકપ્રિય બનાવનાર અમેરિકન કંપની Apple મંગળવારે પોતાનો iPhone 15 લોન્ચ કરી શકે છે. આ સીરિઝના iPhone 15 Proમાં પેરિસ્કોપ ઝૂમ લેન્સ, ટાઇટેનિયમ ફ્રેમ મળી શકે છે. તેમાં 8 GB RAM અને 1 TB સ્ટોરેજ હોઈ શકે છે. MacRumorsના એક રિપોર્ટ અનુસાર, Apple એ iPhone 15 Pro અને iPhone 15 Pro Max માટે 128 GB, 256 GB, 512 GB અને 1 TB સ્ટોરેજ કન્ફિગરેશનનું પરીક્ષણ કર્યું છે. આ iPhone 14 Pro અને iPhone 14 Pro Max ના સ્ટોરેજ વિકલ્પો જેવું જ હશે. કંપની iPhone 15 Proમાં LPDDR5 DRAM નો ઉપયોગ કરવાની યોજના ધરાવે છે. નવા iPhones માટે રેમ સેમસંગ, માઈક્રોન અને SK Hynix તરફથી સપ્લાય કરી શકાય છે.
Appleની ‘Wanderlust’ લોન્ચ ઈવેન્ટ મંગળવારે યોજાશે. આમાં iPhone 15 સિરીઝ સહિત કેટલાક નવા ઉત્પાદનો લોન્ચ થઈ શકે છે. આ સાથે Appleના આગામી ઓપરેટિંગ સિસ્ટમ અપડેટની રિલીઝ ડેટ પણ જાહેર કરવામાં આવી શકે છે. આ ઇવેન્ટ કેલિફોર્નિયા, યુએસએમાં એપલ પાર્કમાં મંગળવારે રાત્રે 10:30 PM (IST) થી શરૂ થશે. તેને Appleની યુટ્યુબ ચેનલ અને Apple.com વેબસાઈટ પર લાઈવ જોઈ શકાશે. તે Apple TV+ અને Apple ડેવલપર એપ્સ પર પણ સ્ટ્રીમિંગ થશે. એપલની નવી ઘડિયાળ પણ આમાં લોન્ચ થઈ શકે છે.
નવી iPhone શ્રેણીમાં iPhone 15, iPhone 15 Plus, iPhone 15 Pro અને iPhone 15 Pro Maxનો સમાવેશ થઈ શકે છે. તાજેતરમાં, ટીપસ્ટર માજીન બુ (@MajinBuOfficial) એ દાવો કર્યો હતો કે Appleના ઉપકરણ પ્રોટોટાઇપ કલેક્ટર કોસુતામી (@KosutamiSan) એ USB Type-C કેબલના ડિઝાઇન વેલિડેશન ટેસ્ટ (DVT) નમૂનાઓ પોસ્ટ કર્યા છે. આ રંગબેરંગી ચાર્જિંગ કેબલ્સ iPhone 15’ અને iPhone 15 Plus’ સાથે મળી શકે છે. એપલે ભારતમાં મેન્યુફેક્ચરિંગ વધારવાની યોજના બનાવી છે. કંપનીએ ચીનમાં તેના મેન્યુફેક્ચરિંગનો મોટો હિસ્સો ભારતમાં શિફ્ટ કરવાની તૈયારી કરી લીધી છે. તાજેતરમાં Appleએ ભારતમાં બે રિટેલ સ્ટોર પણ ખોલ્યા છે. આ સ્ટોર્સને સારો પ્રતિસાદ મળ્યો છે.