(પ્રતિનિધિ) નડિયાદ, ઇકોનોમિક ગ્રોથ ફાઉન્ડેશન દ્વારા ખેડા ડિસ્ટ્રિક્ટ સેન્ટ્રલ કો-ઓપરેટિવ બેંક-કેડીસીસી બેંકના ચેરમેન તેજસ પટેલનું સહકારી ક્ષેત્રમાં ઉદાહરણીય નેતૃત્વ માટે આંતરરાષ્ટ્રીય સન્માન કરવામાં આવ્યું છે. થાઇલેન્ડમાં યોજાયેલ ઇન્ટરનેશનલ સમિટમાં તેજસ પટેલને ઇન્ટરનેશનલ ગોલ્ડ સ્ટાર એવોર્ડ સાથે ગોલ્ડ મેડલ અને સર્ટિફિકેટ ઓફ એક્સેલન્સ એનાયત કરવામાં આવ્યું હતું.
ભારતની વિવિધ સહકારી સંસ્થાઓ સાથે જોડાયેલા અને કેડીસીસી બેંકના ચેરમેન તેજસ પટેલને સહકારી ક્ષેત્રમાં ક્રાંતિકારી પગલાં, ડિજિટલાઇઝેશનના માધ્યમથી નવીનતાઓ સાથે શરૂ કરેલી સેવાઓ, સહકારી બેંકિંગ અને સમુદાય વિકાસમાં અસાધારણ યોગદાન બદલ સન્માનિત કરવામાં આવ્યા છે.
ઇકોનોમિક ગ્રોથ ફાઉન્ડેશન દ્વારા તેજસ પટેલનું ભારતમાં સહકારી બેંકિંગ ક્ષેત્રમાં અદ્વિતીય યોગદાન અને અસાધારણ નેતૃત્વને બિરદાવવામાં આવ્યું છે. ખાસ કરીને કેડીસીસી બેંકના ચેરમેન તેજસ પટેલના નેતૃત્વ અને માર્ગદર્શન હેઠળ કેડીસીસી બેંક આધુનિક ડિજિટલ બેંકિંગ નવીનતામાં અગ્રેસર બની છે, તેની વિશેષ નોંધ લેવામાં આવી છે. તેઓના નેતૃત્વમાં કેડીસીસી બેંકનો નાણાકીય વર્ષ ૨૦૨૫-૨૬માં બિઝનેસ રૂ.૫૦૦૦ કરોડ પર પહોંચતા એક નવો ઇતિહાસ રચાયો છે.
કેડીસીસી બેંક જેમાં બેંક દ્વારા વોટ્સઅપ બેંકિંગ, ટેબ્લેટ બેંકિંગ, ક્યુઆર કોડ આધારિત પેમેન્ટસ, એઇપીએસ, નેટ બેંકિંગ અને અદ્યતન દસ્તાવેજ વ્યવસ્થાપન સિસ્ટમ-ડીએમએસ, સ્ટેટ ઓફ ધી આર્ટ બેંક લોન મેનેજમેન્ટ સિસ્ટમ સહિત આધુનિક ડિજિટલ બેંકિંગ નવીનતાઓ થકી ગ્રાહકોને બેંકિંગ સેવાઓ ઝડપથી અને સરળતાથી ઉપલબ્ધ કરાવવામાં આવે છે.
ચેરમેન તેજસ પટેલ દ્વારા બેંકનું નામમાં કૈરાના બદલે ખેડા કરીને ઐતહાસિક ઓળખ પુનઃસ્થાપિત કરવાની પહેલ તેમની પ્રામાણિકતા, દ્રષ્ટિ અને સ્થાનિક વારસા પ્રત્યેના ઊંડા આદરને પ્રતિબિંબિત કરે છે. આ ઉપરાંત ચેરમેન તેજસ પટેલના નેતૃત્વમાં કેડીસીસી બેંક નોન-પર્ફોર્મિંગ એસેટ્સ ઘટાડવા અને સ્વ-રોજગાર કાર્યક્રમો દ્વારા રોજગાર સર્જન કરવામાં નોંધપાત્ર સિદ્ધિઓ હાંસલ કરી છે.
એફપીઓ ડેવલપમેન્ટ થકી ખેડૂતોને મદદરૂપ થવા સાથે સોલરાઇઝેશન માટે ફાયનાન્સની સુવિધા ઉપલબ્ધ કરાવવાની પહેલ તેમજ માઇક્રો એટીએમ અને કેસ ડિલીવરી ઇનોવેશન થકી સહકારી મંડળીઓને મજબૂત બનાવાનું કાર્ય કર્યુ છે. તેમના નેતૃત્વમાં સહકારી બેંકિંગ મોડેલની સુસંગતતા અને પ્રભાવ હવે ગુજરાત જ નહીં, પરંતુ વૈશ્વિક સ્તરે પણ ધ્યાન આકર્ષિત કરી રહ્યો છે.
આમ સહકારી ક્ષેત્રમાં અનેકવિધ પહેલ સાથે લોકોના જીવનને સરળ બનાવવા સાથે આર્થિક રીતે મજબૂત બનાવવા માટે તેજસ પટેલના કાર્યોને ઇકોનોમિક ગ્રોથ ફાઉન્ડેશન દ્વારા બિરદાવવામાં આવ્યા છે. તેજસ પટેલને જાહેર સેવા, સમુદાય ઉત્થાન, પારદર્શક શાસન અને ભવિષ્યલક્ષી નવીનતા પ્રત્યેના તેમના સમર્પણ અને પરિવર્તન લાવવાના પ્રયાસો બદલ સન્માનિત કરવામાં આવ્યા છે.
