(એજન્સી)વડોદરા, વડોદરા ગેસ લિમિટેડ કંપનીએ પીએનજી ગેસમાં ૧.૫ રૂપિયા અને સીએનજીમાં ૧ રૂપિયાનો વધારો કરતા સામાન્ય નાગરિકોનું બજેટ ફરી ખોરવાયું છે.
૫ મહિનામાં બીજી વખત ભાવ વધારાના પગલે પીએનજી કનેક્શન ધારકોને વધુ બિલ ચૂકવવાનો વારો આવતા લોકોમાં નારાજગી પણ જોવા મળી રહી છે.
વડોદરમાં ગેસ લિમિટેડ કંપનીએ છેલ્લા ૫ મહિનામાં બીજીવાર સામાન્ય નાગરિકનું બજેટ ખોરવ્યું છે. પીએનજી કનેક્શન ધરાવતા ૩ લાખથી વધુ ગેસ ગ્રાહકોને મોંઘવારીનો માર સહન કરવાનો વારો આવ્યો છે.
વડોદરમાં ગેસ લિમિટેડ કંપનીએ છેલ્લા ૫ મહિનામાં બીજીવાર સામાન્ય નાગરિકનું બજેટ ખોરવ્યું છે. પીએનજી કનેક્શન ધરાવતા ૩ લાખથી વધુ ગેસ ગ્રાહકોને મોંઘવારીનો માર સહન કરવાનો વારો આવ્યો છે.
વડોદરા ગેસ લિમિટેડ કંપનીએ પીએનજી ગેસમાં ૧.૫૦ અને સીએનજીમાં ૧ રૂ.નો વધારો કરતા સીએનજીનો નવો ભાવ વધી પ્રતિ કિલોએ રૂ. ૮૩.૯૫ થયો છે, જ્યારે પાઈપ લાઇનથી ઘરે પહોંચાડતા ગેસનો ભાવ વધી ૫૧.૭૪ રૂપિયા થયો છે. જેના કારણે સામાન્ય નાગરિકના ઘરગથ્થુ બજેટ અને પરિવહન ખર્ચમાં નોંધપાત્ર વધારો થયો છે. આ ભાવ વધારો ૧ મેથી અમલમાં આવ્યો હોવાનું જાણવા મળી રહ્યું છે.
જો કે, કંપનીએ આ અંગે કોઈ સત્તાવાર જાહેરાત કરી નહોતી. ગ્રાહકોએ જ્યારે અપડેટ કરેલા ભાવ કંપનીની વેબસાઈટ પર જોતા આ ભાવ વધારાની જાણ થઈ હતી. આ અગાઉ જાન્યુઆરી ૨૦૨૬માં પણ ફય્ન્એ ભાવમાં વધારો કર્યો હતો. તે સમયે પીએનજીના ભાવમાં પ્રતિ ઘન મીટરે ૭૩ પૈસાનો વધારો કરીને ભાવ ૫૦.૨૩ કરવામાં આવ્યો હતો, જ્યારે સીએનજીમાં ૧ રૂપિયાનો વધારો કરીને ભાવ ૮૨.૯૫ કરાયો હતો.
આમ, ટૂંકા ગાળામાં વારંવાર ભાવ વધવાથી ગ્રાહકોમાં રોષ જોવા મળી રહ્યો છે. તાજેતરના વર્ષોમાં વડોદરા ગેસ લિમિટેડે તેના ગેસ પાઈપલાઈન નેટવર્કનો વ્યાપ પણ મોટા પ્રમાણમાં વધાર્યો છે. અગાઉ ૨.૮૨ લાખ ગ્રાહકો વધીને ૩ લાખથી વધુ થયા છે. જેમ જેમ ગ્રાહકોની સંખ્યા વધી રહી છે, તેમ તેમ ભાવમાં પણ સતત વધારો થતાં ગ્રાહકો પોતાનો વિરોધ નોંધાવી રહ્યાં છે.
