ચેન્નાઈ,તમિલનાડુના નવનિયુક્ત મુખ્યમંત્રી સીએમ વિજય (CM Vijay) ની સરકારે રાજ્યની કથળતી આર્થિક સ્થિતિ અંગે એક સત્તાવાર ‘શ્વેત પત્ર’ (White Paper) જાહેર કરીને મોટો ધડાકો કર્યો છે. નાણાકીય સ્થિતિના આ સત્તાવાર રિપોર્ટ અનુસાર, તમિલનાડુમાં જન્મ લેનાર દરેક બાળક હવે સરેરાશ ₹૧.૨૮ લાખના દેવાના બોજ સાથે જન્મે છે.
રાજ્યના નાણા પ્રધાન એન. મેરી વિલ્સને (N. Marie Wilson) આ શ્વેત પત્ર બહાર પાડતા અગાઉની એમ.કે. સ્ટાલિનના નેતૃત્વવાળી ડીએમકે (DMK) સરકારની નાણાકીય નીતિઓ પર ગંભીર સવાલો ઉઠાવ્યા છે. અહેવાલમાં જણાવાયું છે કે પાંચ વર્ષ પહેલાં રાજ્ય પરનું પ્રત્યક્ષ દેવું આશરે ₹૪.૮ લાખ કરોડ હતું, જે હવે વધીને લગભગ ₹૧૦ લાખ કરોડ થઈ ગયું છે. જો આમાં જાહેર ક્ષેત્રના ઉપક્રમો (PSUs) નું દેવું, અન્ય લોન અને સરકારી ગેરંટીઓને પણ ઉમેરી દેવામાં આવે, તો તમિલનાડુ પરનો કુલ આર્થિક બોજ ₹૧૩.૧૮ લાખ કરોડ પર પહોંચી ગયો છે.
Tamil Nadu’s direct debt has almost doubled from Rs 4.80 trillion to around Rs 13.18 trillion in the past five years:
શ્વેત પત્રમાં રજૂ કરાયેલા અન્ય મહત્વના આર્થિક આંકડા નીચે મુજબ છે:
અહેવાલમાં તમિલનાડુની આર્થિક સ્થિતિની સરખામણી દેશના અન્ય પ્રગતિશીલ રાજ્યો સાથે કરવામાં આવી છે. તમિલનાડુનું દેવું તેના જીએસડીપી (GSDP) ના ૨૮.૩% એ પહોંચી ગયું છે, જે અન્ય સમકક્ષ રાજ્યોની સરખામણીએ ઘણું વધારે છે:
મુખ્યમંત્રી તરીકે પદ સંભાળ્યા બાદ વિજય સરકારનું આ પ્રથમ સૌથી મોટું આર્થિક પગલું છે. જોકે, આ સત્તાવાર રિપોર્ટ સામે આવે તે પહેલાં જ પૂર્વ મુખ્યમંત્રી અને ડીએમકે પ્રમુખ એમ.કે. સ્ટાલિને આ આક્ષેપોનો વિરોધ કરતા દાવો કર્યો હતો કે તમિલનાડુ પરનું દેવું નિર્ધારિત મર્યાદાની અંદર જ છે અને રાજ્ય પાસે ફંડની કોઈ અછત નથી, બસ વહીવટ ચલાવવાની યોગ્ય દાનત હોવી જોઈએ. આ શ્વેત પત્ર જાહેર થયા બાદ રાજ્યના રાજકારણમાં ભારે ગરમાવો આવી ગયો છે.
