વેપારીઓ દ્વારા બિલ વગર માલ વેચવામાં આવી રહ્યો છે અને ટેક્સ પણ ભરવામાં આવતો નથી.
SGST વિભાગે ગુજરાતના ઊંઝા, મહેસાણા, સુરત, વાપી, વલસાડ અને રાજકોટમાં 39 પેઢીઓની કુલ 58 જગ્યાઓ પર દરોડા પાડ્યા હતા. રાજ્ય GST વિભાગ GST ચોરી રોકવા માટે સતત પગલાં લઈ રહ્યું છે. વિભાગ દ્વારા વિવિધ વેપાર/ઉદ્યોગોની કામગીરીનો અભ્યાસ કરવામાં આવે છે.
તમાકુ ઉત્પાદનો સાથે સંકળાયેલા કેટલાક વેપારીઓ બિલ વગર માલ વેચી રહ્યા છે અને ટેક્સ પણ ભરતા નથી. તપાસની પ્રક્રિયામાં, મોટી માત્રામાં બિનહિસાબી સાહિત્ય મળી આવ્યું હતું અને હિસાબી ચોપડામાં નોંધાયેલ સ્ટોક અને ખરેખર મળી આવેલ સ્ટોકની તુલના કરતા ઘણો તફાવત જોવા મળ્યો હતો. આ પેઢીઓ દ્વારા બિલ વગર માલ વેચવામાં આવી રહ્યો છે. આ પદ્ધતિ દ્વારા કુલ રૂ. 4.70 કરોડની કરચોરી શોધી કાઢવામાં આવી છે. જેમાંથી આજદિન સુધી કુલ રૂ. 2.75 કરોડની વસૂલાત કરવામાં આવી છે.