યુકેના શહેર પીટરબરોમાંથી એક અત્યંત સંવેદનશીલ અને ગંભીર કાનૂની વિવાદ પ્રકાશમાં આવ્યો છે. ત્યાંની સિટી કાઉન્સિલે એક સરકારી કોમ્યુનિટી કોમ્પ્લેક્સ વેચવાનો નિર્ણય લીધો છે જેમાં છેલ્લા 40 વર્ષથી (1986) ઐતિહાસિક હિંદુ મંદિર ચાલી રહ્યું છે. સૌથી મોટો વિવાદ એ વાત પર છે કે કાઉન્સિલ આ સંકુલને ‘યુનાઇટેડ કિંગડમ ઇસ્લામિક મિશન’ (UKIM)ને વેચવા જઇ રહી છે, જેણે સૌથી વધુ બોલી લગાવી છે. કોર્ટમાં આ કેસની સુનાવણી પૂર્ણ થઈ ગઈ છે અને હવે નિર્ણયની રાહ જોવાઈ રહી છે.
વિવાદનું મુખ્ય કારણ શું છે?
પીટરબરો સિટી કાઉન્સિલ પર હાલમાં લગભગ 500 મિલિયન પાઉન્ડ (આશરે રૂ. 5,400 કરોડ)નું જંગી દેવું છે. આ નાણાકીય કટોકટી દૂર કરવા માટે કાઉન્સિલે તેની સંપત્તિ વેચવાનો નિર્ણય કર્યો.
16 ડિસેમ્બર 2025ના રોજ, કાઉન્સિલની કેબિનેટે આ ‘ન્યૂ ઈંગ્લેન્ડ કોમ્પ્લેક્સ’ને સૌથી વધુ બોલી લગાવનારને વેચવાની મંજૂરી આપી હતી. વિરોધ અને સમુદાયના વિરોધ પછી, ફેબ્રુઆરી 2026 માં આ નિર્ણય પર પુનર્વિચાર કરવામાં આવ્યો, પરંતુ કાઉન્સિલે તેને યુકે ઇસ્લામિક મિશન (UKIM) ને વેચવાના નિર્ણયને મંજૂરી આપી.
બંને પક્ષોની બોલી અને કોર્ટની દલીલો
પીટરબરો સિટી કાઉન્સિલ, જે નાણાકીય કટોકટીનો સામનો કરી રહી છે, તેણે સૌથી વધુ રોકડ ચૂકવનાર ખરીદનારને પ્રાધાન્ય આપ્યું છે, જેનું સંપૂર્ણ ચિત્ર કોર્ટ રૂમમાં બંને પક્ષકારોની દલીલો પરથી સ્પષ્ટ થાય છે. આ રેસમાં સામેલ ‘ભારત હિન્દુ સમાજ’ (BHS) ટેમ્પલ ટ્રસ્ટે 9 લાખ પાઉન્ડ (900,000 GBP) રોકડની સાથે 5 લાખ 4 હજાર પાઉન્ડ ‘સામાજિક મૂલ્ય’ એટલે કે આ સંકુલને બચાવવા માટે તેના સામાજિક કાર્યનું મૂલ્યાંકન કરવા માટે સંયુક્ત બિડ કરી હતી.
