ભારતીય સ્ટાર ક્રિકેટર વિરાટ કોહલીની પત્ની અનુષ્કા શર્મા આજે તેનો 35મો જન્મદિવસ ઉજવી રહી છે. દરમિયાન, વિરાટ કોહલીએ તેના સોશિયલ મીડિયા પર એક પોસ્ટ શેર કરી અને તેની પત્નીને જન્મદિવસની શુભેચ્છા પાઠવી. વિરાટ કોહલીએ પોતાની પોસ્ટ સાથે અનુષ્કાની કેટલીક તસવીરો પણ શેર કરી છે. આ તસવીરોની સાથે કોહલીએ કેપ્શનમાં પોતાના દિલની વાત કહીને અનુષ્કાને જન્મદિવસની શુભેચ્છા પાઠવી હતી.
પોસ્ટ શેર કર્યા બાદ તરત જ અનુષ્કાએ ક્યૂટ રિપ્લાય આપ્યો હતો. તેણે કોમેન્ટ સેક્શનમાં ઈમોજી શેર કર્યા. તેની પોસ્ટ પર ફેન્સ પણ રિએક્શન આપતા જોવા મળ્યા હતા. એક ચાહકે લખ્યું, “ઓહ માય ગોડ, ક્યૂટનેસ ઓવરલોડ.” અન્ય એક ચાહકે લખ્યું, “ખૂબ સુંદર.. સૌથી કુદરતી અભિનેત્રીઓમાંની એકને જન્મદિવસની શુભેચ્છા.” એક ટિપ્પણીમાં એવું પણ લખવામાં આવ્યું હતું કે, “દરેક વ્યક્તિ આ પ્રકારના પ્રેમને પાત્ર છે.” અન્ય લોકો તેને ‘QT’ કહેતા જોવા મળ્યા હતા.
વિરાટ હાલમાં IPL રમવામાં વ્યસ્ત છે. અનુષ્કા શર્મા પણ હાલમાં જ બેંગલુરુ સ્ટેડિયમમાં તેના માટે ચીયર કરતી જોવા મળી હતી. જ્યારે અનુષ્કા ટૂંક સમયમાં ચકડા એક્સપ્રેસમાં જોવા મળશે. દીકરી વામિકાના જન્મ પછી આ તેની પ્રથમ ફિલ્મ છે. તેણે હાલમાં જ આ ફિલ્મનું શૂટિંગ પૂર્ણ કર્યું છે. મેકર્સ ટૂંક સમયમાં રિલીઝ ડેટ જાહેર કરશે. આ ફિલ્મ નેટફ્લિક્સ પર રિલીઝ થશે.
