કડી તાલુકાના શિયાળપુરા ગામે ગામના તળાવમાં અચાનક અજગર દેખા દેતા ચકચાર મચી જવા પામી હતી. આ અંગે ગામના સરપંચ અને તલાટીએ કડીના ધારાસભ્યને જાણ કરી હતી. જ્યાં કડી વન વિભાગના અધિકારીઓ અને કડી વાઇલ્ડ લાઇફ ઘટના સ્થળે પહોંચી ભારે જહેમતથી અજગરને રેસ્ક્યુ કરી થોળ અભ્યારણ્યમાં છોડી મુક્યો હતો.
કડી તાલુકાના શિયાપુરા ગામમાં બુધવારે ગામના 10 વીઘા વિસ્તારમાં ફેલાયેલા તળાવમાં એક અજગર અચાનક દેખાયો હતો. જ્યાં અચાનક તળાવમાં અજગર દેખાતા ગ્રામજનોમાં ભયનો માહોલ સર્જાયો હતો. જે બાદ ગામના સરપંચ અને તલાટીએ કડીના ધારાસભ્ય કરશનભાઈ સોલંકીને જાણ કરી હતી. ધારાસભ્ય દ્વારા ટેલિફોન પર, લિંક અધિકારીઓ ડિઝાસ્ટર મેનેજમેન્ટ મહેસાણા પહોંચ્યા. જ્યાં સાંજ સુધી અજગર મળ્યો ન હતો.ગુરુવારે સવારે કડી વન વિભાગ અને વન્યજીવ વિભાગના નરેન્દ્ર.બી.ઠાકોર અને જે.વી.ઠાકોર ટીમ સાથે શિયાપુરા ગામના તળાવ પાસે પહોંચ્યા હતા. જ્યાં અજગર સુરક્ષિત રીતે તળાવના કિનારે પહોંચ્યો હતો અને 24 કલાક બાદ તેને બચાવી લેવામાં આવ્યો હતો. અજગરને બચાવી લેવામાં આવતાં ગ્રામજનો ખુશ થઈ ગયા હતા. તેમજ કડી તાલુકાના થોળા પક્ષી અભયારણ્યમાં અજગરને છોડવામાં આવ્યો હતો.