EDએ અરવિંદ કેજરીવાની ધરપકડ કરી: EDએ દારૂ કૌભાંડ કેસમાં દિલ્હીના મુખ્યમંત્રી કેજરીવાલની ધરપકડ કરી છે. જેને લઈને સામાન્ય માણસો રસ્તા પર ઉતરી આવ્યા છે. કેજરીવાલના આવાસની બહાર અને EDના આવાસની આસપાસ કલમ 144 લાગુ કરવામાં આવી છે.
પાર્ટીના અધિકારીઓએ સુપ્રીમ કોર્ટમાં આજે જ આ મામલે સુનાવણી કરવાની અપીલ કરી છે. AAP ધારાસભ્ય રાખી બિરલાની પણ દિલ્હી પોલીસે અટકાયત કરી હતી.
AAP નેતા આતિશીએ કહ્યું, “અમને સમાચાર મળ્યા છે કે EDએ અરવિંદ કેજરીવાલની ધરપકડ કરી છે… અમે હંમેશા કહ્યું છે કે અરવિંદ કેજરીવાલ જેલમાંથી સરકાર ચલાવશે. તેઓ દિલ્હીના સીએમ જ રહેશે. અમે સુપ્રીમ કોર્ટમાં કેસ દાખલ કર્યો છે. અમારા વકીલો SC સુધી પહોંચી રહ્યા છે. અમે આજે રાત્રે સુપ્રીમ કોર્ટ પાસે તાત્કાલિક સુનાવણીની માંગ કરીશું.