ગુજરાત હવામાન આગાહી: રાજ્યમાં છેલ્લા એક સપ્તાહથી નહિવત વરસાદ થઈ રહ્યો છે. રાજ્યના મોટાભાગના વિસ્તારોમાં વરસાદ બંધ થતાં જ ખેડૂતોએ ખેતીકામ શરૂ કરી દીધું છે. ત્યારે હવામાન વિભાગે આગામી પાંચ દિવસ સુધી વરસાદની સંભાવના વ્યક્ત કરી છે. જે મુજબ 7 થી 11 ઓગસ્ટ દરમિયાન રાજ્યમાં હળવોથી મધ્યમ વરસાદ પડશે. આવતીકાલે અમદાવાદ, બનાસકાંઠા, રાજકોટ અને અન્ય જિલ્લાઓમાં હળવો વરસાદ પડી શકે છે.
આગામી પાંચ દિવસ વરસાદની આગાહી
ઓગસ્ટ 7: બનાસકાંઠા, પાટણ, સાબરકાંઠા, ગાંધીનગર, અરવલ્લી, અમદાવાદ, દાહોદ, મહિસાગર, સુરેન્દ્રનગર, રાજકોટ, જામનગર, જૂનાગઢ, અમરેલી, મોરબી અને ગીર સોમનાથ ઉપરાંત દક્ષિણ ગુજરાતના તમામ જિલ્લાઓમાં હળવાથી મધ્યમ વરસાદની શક્યતા છે.
ઓગસ્ટ 8: દક્ષિણ ગુજરાતના તમામ જિલ્લાઓ ઉપરાંત સાબરકાંઠા, અરવલ્લી, દાહોદ, મહિસાગર, જૂનાગઢ, ગીર સોમનાથમાં હળવાથી મધ્યમ વરસાદ પડી શકે છે.