નવી દિલ્હી: ડીબીએસ બેંકની સંપૂર્ણ માલિકીની પેટાકંપની ડીબીએસ બેંક ઈન્ડિયા લિમિટેડે 31 માર્ચ, 2023 ના રોજ પૂરા થયેલા નાણાકીય વર્ષમાં રૂ. 228 કરોડનો ચોખ્ખો નફો નોંધાવ્યો હતો, જે વાર્ષિક 37 ટકાની વૃદ્ધિ દર્શાવે છે. ડીબીએસ બેંક ઈન્ડિયાએ વર્ષ 2021-22માં રૂ. 167 કરોડનો ચોખ્ખો નફો મેળવ્યો હતો. બેંક દ્વારા મંગળવારે જાહેર કરવામાં આવેલા નાણાકીય અહેવાલ મુજબ, તેની એકંદર થાપણોમાં વર્ષ દરમિયાન 25 ટકાની વૃદ્ધિ નોંધાઈ છે.