પાટણ જિલ્લા શિક્ષણાધિકારીની કચેરીમાં જુનિયર અધિક્ષક તરીકે પ્રશંસનીય ફરજ બજાવનાર ડો.સુરેશભાઈ પટેલ આજે વયમર્યાદાના કારણે નિવૃત થયા હતા. આ પ્રસંગે પૂર્વ સચિવ, માધ્યમિક અને ઉચ્ચતર માધ્યમિક શિક્ષણ બોર્ડ, ગાંધીનગર આર.આઈ. પટેલ, જિલ્લા શિક્ષણાધિકારી અમદાવાદ શહેર રોહિત ચૌધરી, પ્રાથમિક જિલ્લા શિક્ષણાધિકારી પાલનપુર ડો.વિનુભાઇ પટેલ સહિત બોર્ડ ઓફ મેનેજમેન્ટ, તમામ યુનિયનો, પ્રાથમિક અને માધ્યમિક શાળાના શિક્ષક મિત્રો, જિલ્લાના આચાર્યો, શાળાના શિક્ષક મિત્રો અને વહીવટી સ્ટાફ મોટી સંખ્યામાં ઉપસ્થિત રહ્યો હતો. .વય મર્યાદાને કારણે નિવૃત્ત. સુરેશભાઈ પટેલને વિવિધ ભેટસોગાદો અર્પણ કરવામાં આવી હતી અને તેમને નિવૃત્તિની શુભેચ્છા પાઠવવામાં આવી હતી. આથી ડો.સુરેશભાઈ પટેલે પણ સૌનો આભાર માન્યો હતો.