દેશભરમાં ભારે વરસાદ શરૂ થઈ ગયો છે. જેના કારણે દેશના મોટાભાગના વિસ્તારોમાં વરસાદે હાહાકાર મચાવ્યો છે. આવી સ્થિતિમાં પહાડી વિસ્તાર હોય કે દેશનો મેદાની વિસ્તાર હોય કે શહેર હોય કે ગામ હોય, ભારે વરસાદને કારણે લોકોને મુશ્કેલીનો સામનો કરવો પડી રહ્યો છે. ગુજરાતમાં પણ અનેક જગ્યાએ ભારે વરસાદ પડી રહ્યો છે. જેના કારણે નદી નાળા સહિતના મુખ્ય માર્ગો પર પાણી વહેતા જોવા મળે છે. જેના કારણે લોકોના ઘર અને કારને પણ નુકસાન થયું છે. આવી સ્થિતિમાં લોકોને પણ મુશ્કેલીનો સામનો કરવો પડી રહ્યો છે.
અંબાજી પંથકમાં દિવસ-રાત બાદ વાતાવરણમાં એકાએક પલટો જોવા મળ્યો હતો. ત્યારે અચાનક આકાશમાં કાળા વાદળો સાથે વરસાદ શરૂ થયો હતો. અંબાજી અને આસપાસના વિસ્તારોમાં રાત્રિ દરમિયાન હળવો વરસાદ પડ્યો હતો. અંબાજીના મુખ્ય માર્ગો અને અન્ય માર્ગો પર વરસાદી પાણી ભરાયા હતા. અંબાજી પંથકમાં રાત્રી દરમિયાન વરસાદ પડતા વાતાવરણમાં ઠંડક પ્રસરી હતી. જેના કારણે લોકોને ગરમીથી રાહત મળી હતી.