ગુજરાત રાજ્યની અંદર, ગુજરાત રાજ્ય માર્ગ પરિવહન સેવા નિગમ દ્વારા 170 વોલ્વો એસટી બસો ટેન્ડર કોન્ટ્રાક્ટર સિસ્ટમ હેઠળ ચલાવવામાં આવી રહી છે. હાલમાં ઉત્તર ગુજરાતમાં સમાવિષ્ટ મહેસાણા ડિવિઝનમાં 760 એસટી બસો છે. જેના દ્વારા ઔદ્યોગિક રોજગાર, શિક્ષણ અને પ્રવાસન જેવા વિવિધ હેતુઓ માટે દરરોજ 50,000 થી વધુ મુસાફરો મુસાફરી કરી રહ્યા છે.
આમ ઉત્તર ગુજરાતમાંથી મોટી સંખ્યામાં મુસાફરો એસટી બસમાં મુસાફરી કરતા હોવા છતાં એક પણ વોલ્વો બસ ઉત્તર ગુજરાતને ફાળવવામાં આવી નથી. નોંધનીય છે કે, ઉપલબ્ધ માહિતી મુજબ, અમદાવાદ ડિવિઝનની વોલ્વો બસ ધાનેરા અમદાવાદ માટે સંપૂર્ણ રિઝર્વેશન સાથે દરરોજ 11 ટ્રીપ કરે છે. આ ઉપરાંત ઉત્તર ગુજરાત માટે સંપૂર્ણ રિઝર્વેશનવાળી એક બસ ઉપરાંત વધુ વોલ્વો બસો ફાળવવામાં આવે તો ઉત્તર ગુજરાતના મુસાફરોને પણ વોલ્વો બસમાં મુસાફરી કરવાની સેવાનો પૂરતો લાભ મળી શકે તેમ છે.