રિપોર્ટ મુજબ વર્ષ 2023માં ગુજરાતમાંથી 5370 પુરુષો ગુમ થયા, અમદાવાદમાંથી 1232 પુરુષો, સુરતમાંથી 1119 પુરુષો ગુમ થયા.
સબ સેફના દાવાઓને પડકારતા આંકડાઓ સામે આવ્યા છે. રિપોર્ટ અનુસાર, વર્ષ 2023માં ગુજરાતમાંથી 5370 પુરુષો ગુમ થયા, અમદાવાદમાંથી 1232 પુરુષો, સુરતમાંથી 1119 પુરુષો ગુમ થયા. આ સમયગાળા દરમિયાન 18 વર્ષથી વધુ ઉંમરના 4819 પુરુષો ગુમ થયા હતા. આ સિવાય ગુમ થયેલા બાળકોની સંખ્યા પણ અસાધારણ રહી છે. એક વર્ષમાં કુલ 1857 બાળકો ગુમ થયા હતા, જેમનો હજુ સુધી કોઈ પત્તો લાગ્યો નથી.
5370 માણસો ગુમ થયા હતા
12 વર્ષથી નીચેના 584 બાળકો ગુમ છે. 12 થી 14 વર્ષની વયના 522 બાળકો અને 14 થી 18 વર્ષની વયના 751 બાળકો ગુમ થયા છે. રાજ્યમાં ગુમ થનારી મહિલાઓની સંખ્યા ચિંતાજનક છે.
રાજ્યમાંથી 10,606 મહિલાઓ ગુમ થઈ છે, જેમાંથી હજુ સુધી કોઈનો પત્તો લાગ્યો નથી. અમદાવાદમાંથી 2711 મહિલાઓ ગુમ થઈ છે જ્યારે સુરતમાંથી 1561 મહિલાઓ ગુમ થઈ છે. મહિલાઓના ગાયબ થવા પાછળના મોટાભાગના કારણો પ્રેમપ્રકરણો અને ઘરવિહોણા છે.
પોલીસનો દાવો છે કે જે લોકો ગુમ થાય છે તેમાંથી મોટાભાગના લોકો પરત ફરે છે. ટૂંકમાં, ગુજરાતમાં દર વર્ષે સરેરાશ 1200 લોકો ગુમ થાય છે. નેશનલ ક્રાઈમ રેકોર્ડ બ્યુરોના જણાવ્યા અનુસાર પુરુષો કરતાં વધુ મહિલાઓ ગુમ થઈ છે.
ગુજરાત સિવાયના અન્ય રાજ્યોમાં ઘણા કિસ્સાઓમાં છોકરીઓ અને મહિલાઓને વેશ્યાવૃત્તિમાં ધકેલવામાં આવે છે. જ્યારે બાળકો ગુમ થવાના કેસમાં એવું જોવા મળ્યું છે કે માતા-પિતા ગુમ થયેલા બાળકોની વર્ષો સુધી રાહ જોતા હોય છે. કેટલાક કિસ્સામાં તો બાળકોના મોત પણ થયા છે.