પિકઅપની ટક્કરે ૭ વર્ષના બાળકનું માથું છૂંદાઈ ગયું
(એજન્સી)જૂનાગઢ, વિસાવદરમાં હિટ એન્ડ રનની ગંભીર ઘટના સામે આવી છે. સતાધાર રોડ પર એક બોલેરો પિકઅપ વાહન દ્વારા બાળકને અડફેટે લેવાતા ૭ વર્ષીય બાળકનું કમકમાટીભર્યું મોત થયું છે.
આ અકસ્મતા એટલો ભયાનક હતો કે તેમાં બાળકના નાથાના ભાગમાંથી મગજ આખું જુદુ પડી હતી અને અને કાળજું કંપાવતા દ્રશ્યો સર્જાયા હતા, ત્યારે અકસ્માત બાદ ચાલક સ્થળ પરથી નાસી ગયો હતો, પરંતુ પોલીસે સીસીટીવીના આધારે આરોપીને ઝડપી લીધો છે, જેથી ઘટનાને પગલે પરિવારમાં શોકનો માહોલ છે અને પરિવાર દ્વારા કડક કાર્યવાહી કરવાની માંગ કરવામાં આવી રહી છે.
એક વ્યક્તિની ઉતાવળ અને બેદરકારીથી ઉપાડ ઝડપે વાહન ચલાવવાના કારણે સાત વર્ષના બાળક ધવલનું હિટ એન્ડ રનની ઘટનામાં મોત નીપજ્યું છે. વિસાવદરના સતાધાર રોડ પર ખોડિયારપરા વિસ્તારમાં બાળકો રમી રહ્યા હતા. તે દરમિયાન પૂરપાટ ઝડપે આવતી બોલેરો પિકઅપ વાહને ૭ વર્ષીય ધવલને અડફેટે લીધો હતો. અકસ્માત એટલો ભયાનક હતો કે બાળકના નાથાના ભાગમાંથી મગજ આખું જુદુ પડી હતી અને અને કાળજું કંપાવતા દ્રશ્યો સર્જાયા હતા.
બાળકના માતા-પિતાના જણાવ્યા મુજબ, ધવલ રસ્તાની બાજુમાં રમી રહ્યો હતો ત્યારે અકસ્માત થયો હતો. ટક્કર ગંભીર હોવાને કારણે બાળકને બચાવી શકાયો નહીં. અકસ્માતમાં બાળકને માથાના ભાગે ગંભીર ઈજા થઈ હતી. હોસ્પિટલ લઈ જતાં પહેલા જ બાળકનું મોત થયું હતું. જેથી પરિવાર દ્વારા ચાલકની બેદરકારીને કારણે અકસ્માત થયો હોવાનો આક્ષેપ કરવામાં આવ્યો છે અને કડક સજા કરવાની માંગ કરવામાં આવી છે.
ઘટના બાદ વિસાવદર પોલીસે તાત્કાલિક તપાસ શરૂ કરી હતી. પોલીસે સીસીટીવી ફૂટેજના આધારે આરોપીની ઓળખ કરી હતી. કાલસારી ગામના રહેવાસી અને બોલેરો પિકઅપ વાહનના ચાલક સંજય નાગજી ગોહેલને પોલીસે ધરપકડ કરી છે. આરોપી વિરુદ્ધ બીએનએસ અને મોટર વ્હીકલ એક્ટ હેઠળ ગુનો નોંધી આગળની કાર્યવાહી હાથ ધરવામાં આવી છે.
આ ઘટનાએ માર્ગ સુરક્ષાના મુદ્દે પ્રશ્નો ઉભા કર્યા છે. બેદરકારીથી વાહન ચલાવવાના કારણે બાળકનું મોત થયું છે. હવે આગળ કાયદેસરની કાર્યવાહી કેવી રીતે થાય છે તે જોવાનું રહેશે. પરિવાર દ્વારા ન્યાયની માંગ કરવામાં આવી રહી છે.
