પ્રીમિયમ ઉઘરાવ્યા પછી હાથ ઊંચા કરી દેવાની વીમા કંપનીની નીતિ નહી ચાલે !

રાજકોટ, રાજકોટમાં ગ્રાહકોના વીમા કલેઈમ નકારવાના કિસ્સાઓ વધુ નોંધાઈ રહ્યા છે ત્યારે રાજકોટ જિલ્લા ગ્રાહક તકરાર નિવારણ આયોગ દ્વારા ગો ડિજિટ જનરલ ઈન્સ્યોરન્સ કંપની વિરુદ્ધ મહત્વપૂર્ણ ચુકાદો આપવામાં આવ્યો છે. ફરિયાદી રાજકોટના કોમલબેન રાઠોડે ગો ડિજિટ જનરલ ઈન્સ્યોરન્સ કંપની પાસેથી રૂ.૬,૦૦,૦૦૦નું વીમા કવચ લીધું હતું

કોમલબેન ગર્ભાશયના ગાઠના ઓપરેશન માટે હોસ્પિટલ ખાતે તા.ર૯.૩.ર૦ર૪ થી તા.૩૧.૩.ર૦ર૪ સુધી સારવાર લીધી હતી, જેનો કુલ ખર્ચ રૂ.૯પ,૯૩૬ થયો હતો પરંતુ ગો ડિજિટ જનરલ ઈન્સ્યોરન્સ કંપનીએ તા.ર૩.પ.ર૦ર૪ના રોજ એક પત્ર મોકલીને એવું કારણ દર્શાવીને કલેઈમ ચૂકવવાનો ઈન્કાર કર્યો હતો કે આ સારવાર ‘ઈનફર્ટીલિટી’ની છે.

ગો ડિજિટ જનરલ ઈન્સ્યોરન્સ કંપનીના આ નિર્ણય સામે ગ્રાહક ફોરમે નોંધ લઈને દર્શાવ્યું છે કે ફરિયાદીના ડોકટર દ્વારા તા.૧૦.૪.ર૦ર૪ અને ર૯.પ.ર૦ર૪ના રોજ સર્ટીફિકેટ આપવામાં આવ્યું હતું કે આ સારવાર ઈનફર્ટિલિટી સ્વરૂપની નથી મેડિકલ સાયન્સના અભિપ્રાય મુજબ આયોગે નોંધ્યું છે કે, ગો ડિજિટલ જનરલ ઈન્સ્યોરન્સ કંપનીનો આ બચાવ ખોટો, ભૂલભરેલો અને સેવામાં ખામી સમાન છે. આ કેસમાં આયોગના પ્રમુખ પી.સી.રાવલ અને સભ્ય એમ.એસ. ભટ્ટ દ્વારા તા.પ.૩.ર૦ર૬ના રોજ ગ્રાહકની તરફેણમાં ચુકાદો આપવામાં આવ્યો છે.

આયોગે ગો ડિજિટ કંપનીને આદેશ કર્યો છે કે, તેઓએ ફરિયાદીને સારવાર ખર્ચના રૂ.૯પ,૯૩૬ ફરિયાદ દાખલ કર્યાની તા.ર૧.૧૧.ર૦ર૪ થી ૬ ટકાના વ્યાજ સાથે બે માસમાં ચુકવી આપવાના રહેશે.

ઉપરાંત સ્પષ્ટતા પણ કરી છે કે જો કંપની બે માસમાં આ રકમ નહીં ચૂકવે તો તેઓએ ૯ ટકા લેખે વ્યાજ ચુકવવું પડશે.ે ફોરમે ફરિયાદીના ખર્ચ પેટે વધારાના રૂપ,૦૦૦ પણ ચુકવવાનો હુકમ કર્યો છે.

ગ્રાહકોના પરસેવાની કમાણી હડપ કરવાની અને પ્રીમિયમ ઉઘરાવ્યા પછી હાથ અદ્ધર કરી દેવાની નીતિ હવે નહી ચાલે તેવો સ્પષ્ટ સંદેશ પણ કોર્ટે આપ્યો હતો. આ કેસમાં રાજકોટ શહેર જિલ્લા ગ્રાહક સુરક્ષા મંડળ તરફથી રમાબેન માવાણી, રામજીભાઈ માવાણી, એડવોકેટ મનોજભાઈ કોટડિયા તથા એડવોકેટ કિરીટભાઈ માવદિયા રોકાયેલા હતા.