યુએસ-ઈરાન યુદ્ધની અસર ગુજરાતમાં વર્તાઈઃ ઈવીના વેચાણમાં પર%નો વધારો
(એજન્સી)અમદાવાદ, ઈરાન-ઈઝરાયેલ અમેરીકા વચ્ચે ચાલી રહેલા યુદ્ધને લઈને સમગ્ર અખાતી દેશોમાં હુમલા થઈ રહયા છે. આ અસ્થિર પરીસ્થિતીને કારણે દુનિયાભરમાં ફુડના સપલાય પર અસર પડી રહી છે.
હવે ગ્રાહકો નવા વાહનને ખરીદી વખતે પેટ્રોલ-ડીઝલને બદલે ઈલેકટ્રીક વાહનો પર ભાર મુકી રહયા છે. જેના કારણે માર્ચ ર૦રપની સરખામણીમાં માર્ચ ર૦ર૬માં ઈવીના વેચાણમાં પર ટકાનો વધારો નોધાયો છે. ગયા વર્ષે માર્ચ મહીનામાં પ,ર૭૧ વાનો વેચાયા હતા. જયારે ચાલુ વર્ષે માર્ચમાં આ આંકડો વધીને ૧૧,૧ર૬ થયો છે. સાથે સાથે ઈવીની ઈન્કવાયરીમાં ર૦૦થી૩૦૦ ટકાનો વધારો નોધાયો છે. જેમાં આગામી દિવસોમાં વધુ વધારો થવાની શકયતા છે.
દુનિયાભરમાં લોકો પોતાના વાહનો માટે પેટ્રોલ અને ડીઝલ જેવા પરંપરાગત ઈધંણને બદલે ગેસ તથા ઈલેકટ્રીક વિકલ્પ તરફ વળી રહયા છે. ઘણા દેશોએ તે નિશ્ચિત સમયગાળા પછી તમામ વાહનોને ઈલેકટ્રીક બનાવવાની જાહેરાત પણ કરી છે. આ પરીસ્થિતી વચ્ચે છેલ્લા એક મહીનાથી ઈરાન પર ઈઝરાયેલ અને અમેરીકા દ્વારા હુમલા થઈ રહયા છે.
જયારે ઈરાન પણ તેનો પ્રતીસાદ આપી રહયું છે. સાથે સાથે અખાતી દેશોમાં સ્થિત અમેરીકન આર્મી બેઝ પર પણ હુમલાઓ થયા છે. આ તણાવપુર્ણ પરીસ્થિતીને કારણે વૈશ્વીક સ્તરે ફુડના સપ્લાયમાં અસ્થિરતા ઉભી થઈ છે. ગુજરાતમાં આ અઠવાડીયા પહેલાં પેટ્રોલ પંપ પર લાંબી લાઈનો જોવા મળી હતી. આ પરીસ્થિતીને કારણે લોકો હવે ઈલેકટ્રીક વાહનો તરફ વધુ આકર્ષાઈ રહયા છે.
ફેડરેશન ઓફ ઓટો મોબાઈલ ડીલર્સ એસોસીએશન એફએડીએ ગુજરાતના ચેરપર્સન સીએ પ્રણવ શાહે જણાવ્યું હતું કે માહિતી મુજબ ઈલેકટ્રીક વાહનોની ઈન્કવાયરીમાં ર૦૦થી ૩૦૦ ટકાનો વધારો નોધાવ્યો છે.
જયારે વેચાણમાં ગયા માર્ચ મહીનાની સરખામણીએ પર ટકાનો વધારો થયો છે. ઉપરાંત સરકાર દ્વારા ઈવીને પ્રોત્સાહન આપવા માટે મહત્વપુર્ણ પગલાં લેવામાં આવ્યા છે. ગુજરાત ઈવી પર આરટીઓ ટેકસમાં પ ટકા રાહતને વધુ એક વર્ષ માટે લંબાવી છે. જે હવે માર્ચ ર૦ર૭ સુધી લાગુ રહેશે, જે એક આવકાર્ય નિર્ણય માનવામાં આવે છે.
